VIONGOZI WA COASTAL UNION WATAKIWA KUSHIKAMANA.

Mjumbe wa Kamati ya Utendaji ya Coastal
Union,Akida Machai akimuelezea mikakati ya timu hiyo mkuu wa Mkoa wa
Tanga Magalula Saidi wakati wa kikao cha pamoja baina ya viongozi wa
Coastal Union na Mkuu huyo wa mkoa kwa lengo la kufahamiana

Mkuu wa Mkoa wa Tanga,Magalula Saidi katikati
waliokaa akiwa katika picha ya pamoja na viongozi wa Coastal Union na
viongozi wa mkoa,kushoto kwake ni Makamu Mwenyekiti wa Coastal
Union,Steven Mguto

NA MWANDISHI WETU,TANGA.

VIONGOZI wa Klabu ya Coastal Union wamewatakiwa kushikamana vilivyo

ili kuweza kuhakikisha timu hiyo inafanya vizuri katika michezo yao

iliyosalia katika Michuano ya Ligi kuu soka Tanzania Bara.

Wito huo ulitolewa na Mkuu wa Mkoa wa Tanga,Magalula Saidi wakati

alipokutana na viongozi wa timu hiyo ofisini kwa lengo la kufahamiana

ambapo Makamu Mwenyekiti wa Coastal Union, Steven Mguto aliwaongozwa

viongozi wengine kwenye kikao hicho.

Alisema kuwa muda uliobakia kwenye mechi za Ligi kuu sio wa kuanza

kufikiria ni kitu gani kimetokea bali ni kuweka mipango imara na

madhubuti itakayowapa mafanikio ili waweze kujipanga msimu ujao kwa

ligi nyengine.

Aidha aliwataka viongozi hao kujiepusha na migogoro, mifarakano

iliyokuwa na tija kwani hali hiyo ikiruhusiwa itashindwa kuwapa

maendeleo na kukwamisha mipango yao waliojiwekea.

Kwa upande wake, Makamu Mwenyekiti wa Coastal Union, Steven Mguto

alimuhaidi mkuu wa mkoa huyo kuyafanyia kazi kwa asilimia kubwa

maelekezo aliyoyatoa ili waweze kupata mafanikio..

Naye, Mjumbe wa Kamati ya Utendaji wa Coastal Union, Akida Machai

alisema changamoto zilizojitokeza kwenye michuano hiyo watazifanyia

kazi kwa umakini mkubwa ili ziweze kuleta ufanisi katika michezo

iliyosalia.

Kikao hicho kilihudhuriwa na viongozi mbalimbali wa soka akiwemo

Mjumbe wa Kamati ya Utendaji ya shirikisho la soka Nchini (TFF) Khalid

Abdallah.