.

Mfalme wa Moroko anawasili Kesho Tanzania--Tizama walichokifanya leo Vijana hawa wa Tanzania kumfikishia Ujumbe Mfalme huyo

Wakati serikali ya Tanzania ikitangaza kuwa na ugeni mkubwa kesho jumapili ambapo mfalme wa Moroco Mohamed VII ambaye kwa mujibu wizara ya mambo ya nje mfalme huyo atafanya ziara nchini,hatimaye Vijana wa Tanzania kupitia kamati ya mshikamano kati ya Tanzania na watu wa sahara magharibi TANZANIA SAHRAWI SOLIDARITY COMMITTEE-TASSC wameanza kutoa ujumbe mbalimbali kwa mfalme huyo.
Ikimbukwe kuwa kwa miongo minne sasa moroko imekuwa ikiikalia kimabavu nchi ya sahara magharibi kinyume na sheria na taratibu za kiamataifa jambo ambalo limewafanya vijana hao kuamua kuamka na kufikisha ujumbe kwa mfalme huyo wa morocco kuwa swala hilo sio sahihi.
Mratibu wa mawasiliano kwa umma wa kamati hiyo ya TASSC Bwana Noel c Shao katikati akizngumza na wanahabari leo Jijini Dar es salaam Kuhusu Ziara hiyo ya mfalme wa Moroko
Akizungumza na wahabari mapema leo Jijini dar es salaam mratibu wa mawasiliano kwa umma wa kamati hiyo ya TASSC Bwana Noel c Shao ametaja mambo kadhaa ambayo vijana hao wametoa kama ujumbe kwa mfalme huyo wa morocco kuwa ni kama yafuatayo  ---------

1-Tumesikitishwa sana na kitendo cha moroko kuendelea kuikalia kimabavu nchi ya sahara magharibi licha ya uamuzi wa kihistoria uliotolewana na  mahakama ya kiamataifa ya haki  ICJ kwenye hukumu yake ya mwaka 1975 kwamba kinyume na madai ya moroko hakuna mahusiano yoyote yale ya kihistoria au ya kisheria baina ya sahara Magharibi na Moroko yanayoweza kuinyima sahara Magharibi Kujitawala yenyewe.

2-Tumesikitishwa sana na kitendo cha moroko kuendelea kupuuzia wito wa umoja wa Africa,umoja wa mataifa,na jumuiya ya kimataifa kwa ujumla wake na kuipatia sahara magharibi haki yake ya kujitawala,Tunapinga vikali mbinu za moroko kuendeleZa hila mbalimbali ili kuzuia ujumbe wa umoja wa mataifa wa kura ya maoni nchini sahara Magharibi (The united Mission for Referundum in Western sahara MINURSO) tangu ulipounda mwaka 1991.

3 Tunamtaka mfalme wa morocco kuwaacha huru wafungwa wote wa kisiasa na wanaharakati wanaoshikiliwa kwenye magereza mbalimbali kwenye maeneo ya sahara magharibi yanayokaliwa kimabavu na Moroko.

4Tunamtaka  mfalme wa Moroko kuacha mara moja kunyonya Rasilimali za wasahrawi hasa madini na Phosphate na rasilimali bahari kwenye maeneo inayoyakalia kimabavu.

5-Tunamtaka mfalme wa Moroko kuacha mara moja vitendo vya uvunjaji wa haki za binadamu kwenye maeneo inayoyakali kimabavu kama vile kuwakamata wanaharakati,wa kisahrawi kuwaweka kizuizini,kuwazuia waangalizi wa kimataifa,waandishi wa habari na wajumbe wa jumuiya mbalimbali za kimataifa kuingia katika maeneo ya wasahrawi yanayokaliwa kimabavu na moroko.

6-Tunamtaka mfalme wa moroko kuacha mara moja vitendo vya kibeberu vya kuikalia sahara Magharibi. Ni aibu kwa nchi moja ya kiafrika wala nchi nyingine ni wakati muafaka sasa kwa sahara Magharibi Kupewa Uhuru wake.

Aidha baada ya maombi ya vijana hao kwa kiongozi huyo wa Moroko wameitaka serikali ya Tanzania kutoyumba kimsimamo kuhusu swala la Sahara Magharibi na kamwe Diplomasia ya uchumi isiwe kisingizio cha kuizika Misingi Yetu ya uhuru ,Utu,Undugu,na kuwapigania wanyonge.

TAMKO LA KAMATI YA MSHIKAMANO WA TANZANIA NA SAHARA MAGHARIBI (TANZANIA SAHRAWI SOLIDARITY COMMITTEE) KUHUSU ZIARA YA MFALME WA MOROKO NCHINI TANZANIA
UTANGULIZI
Taarifa rasmi iliyotolewa na Wizara ya Mambo ya Nje na Ushirikiano wa Afrika Mashariki inaonyesha kuwa Mfalme wa Moroko Mohamed VI atafanya ziara nchini Tanzania kuanzia tarehe 23 hadi 25 Oktoba 2016.
Kwa kupitia ziara hii, sisi vijana wa Tanzania kupitia Kamati yetu ya Mshikamano Kati ya Tanzania na Watu wa Sahara Magharibi (Tanzania Sahrawi Solidarity Committee-TASSC) tunapenda kufikisha ujumbe mahsusi kwa Mfalme wa Moroko, Watu wa Sahara Magharibi, Serikali ya Tanzania na Jumuiya ya Kimataifa.

Ikumbukwe kuwa kwa zaidi ya miongo minne, Moroko imekuwa ikiikalia kimabavu nchi ya Sahara Magharibi kinyume na sheria na taratibu za kimataifa. Sisi kama vijana wa Afrika ambao tunajali misingi ya utu, umoja na mshikamano wa Afrika kamwe hatuwezi kulinyamazia suala hili na kuisaliti ndoto ya waasisi wa Umoja wa Afrika waliosisitiza kuwa “Afrika haiwezi kuwa huru hadi pale nchi zote za kiafrika zitapokuwa huru” 

UJUMBE KWA MFALME WA MOROKO
1. Tumesikitishwa sana na kitendo cha Moroko kuendelea kuikalia kimabavu nchi ya Sahara Magharibi licha ya uamuzi wa kihistoria uliotolewa na Mahakama ya Kimataifa ya Haki (International Court of Justice-ICJ) kwenye hukumu yake ya mwaka 1975 kwamba, kinyume na madai ya Moroko, hakuna mahusiano yoyote yale ya kihistoria au ya kisheria baina ya Sahara Magharibi na Moroko yanayoweza kuinyima Sahara Magharibi haki yake ya kujitawala yenyewe

2. Tunalaani vikali mbinu za Moroko kuendelea kuikalia kimabavu kwa zaidi ya miaka 40 nchi ya Sahara Magharibi na kufumbia macho wito wa Umoja wa Mataifa na Umoja wa Afrika wa kuipatia uhuru wake nchi ya Sahara Magharibi. Tunapinga vikali njama na hila za Moroko kuzuia Ujumbe wa Umoja wa Mataifa wa Kura ya Maoni Nchini Sahara Magharibi (The United Nations Mission for Referundum in Western Sahara-MINURSO) kutekeleza majukumu yake tangu ulipoundwa mwaka 1991

3. Tunamtaka Mfalme wa Moroko kuwaachia huru wafungwa wote wa kisiasa na wanaharakati wanaoshikiliwa kwenye magereza mbalimbali kwenye maeneo ya Sahara Magharibi yanayoyakalia kimabavu na Moroko.
4. Tunamtaka Mfalme wa Moroko kuacha mara moja kunyonya rasilimali za Wasahrawi hasa madini ya phosphate na rasilimali bahari kwenye maeneo inayoyakalia kimabavu

5. Tunamtaka Mfalme wa Moroko kuacha mara moja vitendo vya uvunjaji wa haki za binadamu kwenye maeneo inayoyakalia kimabavu kama vile kuwakamata wanaharakati wa Kisahrawi, kuwaweka kizuizini, kuwazuia waangalizi wa kimataifa, waandishi wa habari na wajumbe wa jumuiya mbalimbali za kimataifa kuingia katika maeneo ya Wasahrawi inayoyakalia kimabavu

6. Tunamtaka Mfalme wa Moroko kuacha mara moja vitendo vya kibeberu vya kuikalia Sahara Magharibi. Ni aibu kwa nchi moja ya Kiafrika kuitawala nchi nyingine. Ni wakati muafaka sasa kwa Sahara Magharibi kupewa uhuru wake

UJUMBE KWA UMOJA WA AFRIKA
1. Tunaziunga mkono jitihada mbalimbali za Umoja wa Afrika za kuitambua na kuipigania Sahara Magharibi. Tunaitaka AU kuharakisha jitihada zake za kuhakikisha Sahara Magharibi inakuwa huru
2. Tunautaka Umoja wa Afrika kutothubutu kuikubalia Moroko kurejea kwenye Umoja wa Afrika mpaka pale itapoacha vitendo vyake vya kibeberu vya kuikalia Sahara Magharibi

UJUMBE KWA UMOJA WA MATAIFA
1. Tunautaka Umoja wa Mataifa kutanua mamlaka ya MINURSO ili iweze kutazama masuala ya haki za binadamu kwenye maeneo ya Sahara Magharibi yanayokaliwa kimabavu na Moroko
2. Tunautaka Umoja wa Mataifa kuharakisha mchakato wa kura ya maoni ya kuipatia Sahara Magharibi uhuru wake. Miaka 40 ya ukoloni wa Moroko nchini Sahara Magharibi inatosha sasa!

UJUMBE KWA SERIKALI YA TANZANIA
1. Tunaunga mkono msimamo wa Tanzania wa kuendelea kuitambua na kuiunga mkono Sahara Magharibi kwenye vyombo vya kimataifa kama vile Umoja wa Afrika na Umoja wa Mataifa
2. Tunaitaka Serikali ya Tanzania isiyumbe katika msimamo wake kuhusu suala la Sahara Magharibi na kamwe diplomasia ya uchumi isiwe kisingizio cha kuizika misingi yetu ya uhuru, utu, udugu na kuwapigania wanyonge.

UJUMBE KWA WASAHRAWI
1. Sisi Ndugu zenu kutoka Tanzania, tukisukumwa na imani yetu katika misingi ya utu, udugu na Umajumui wa Afrika, tupo nanyi bega kwa bega katika mapambano yenu ya kuhakikisha mnapata uhuru wenu kutoka kwa Moroko na washirika wake kutoka ng’ambo wanaowaunga mkono

2. Sisi ndugu zenu kutoka Tanzania tutaendelea kuwaunga mkono kama alivyofanya Baba wa Taifa Mwalimu Julius Kambarage Nyerere na viongozi waliofuatia na wala hatutakubali kuuza utu na fahari yetu ya uhuru kwa sababu ya ushawishi wowote ule.

Imetolewa Leo tarehe 22 Oktoba 2016
NOEL C. SHAO, Mratibu wa Mawasiliano kwa Umma, TASSC
ALPHONCE LUSAKO, Mratibu wa Haki za Binadamu, TASSC

About HABARI24 TV

Post a Comment
Powered by Blogger.