.

HABARI ZA KIJAMII

TGNP MTANDAO YA ADHIMISHA SIKU YA MTOTO WA AFRIKA KWA KUYAFANYA HAYA...

Leo june 6 ikiwa ni siku ya Mototo wa Afrika Mtandao wa jinsia  nchini Tanzania TGNP ukishirikiana na vituo vyake vya taarifa na maarifa umefanya semina iliyokutanisha wanafunzi toka shule mbalimbali za jijini Dar es salaam. Kwenye semina hiyo kulikuwa  wanafunzi toka shule ya sekondari Mabibo, Kivule sekondari, shule ya msingi Mchangani na wenyeji shule ya sekondari Makumbusho. Lakini pia walikuwepo viongozi mbalimbali kama Diwani viti maalum wa kata ya Makumbusho Bi. Pilly Ochaya, Afisa ustawi wa jamii wa manispaa ya Kinondoni Bi. Editha Mbowe na viongozi wa mitaa na kata ya Makumbusho.

Mkurugenzi wa (JIKI Tanzania) na Mwenyekiti wa kituo cha taarifa na maarifa kata Makumbusho Bi. Janeth Mawinza akiongoza tafrija ya siku ya mtoto wa Afrika iliyofanyika shule ya Sekondary Makumbusho mapema leo jijini dar es salaam.
Kwenye mkutano huo kumeibua changamoto mbalimbali zinazowakabiri wanafunzi  wa shule zote za sekondari na za msingi. miongoni mwa changamoto kubwa inayoripotiwa ni upungufu wa matundu ya vyoo kwa shule zote na hali hii inasababisha mazingira ya vyooni yasiwe rafiki sana kwa wanfunzi hali inayosababisha magonjwa kama UTI n.k

Pia kutokuwa na uzio kwenye shule nyingi limekuwa ni tatizo kubwa kwa kuwa wanafunzi  wanazagaa pasipo kuwa na sababu za msingi. Lakini pia inawafanya wanfunzi kushindwa kuelewa kinachofundishwa darasani na (concentration )mawazo yanakuwa yapo kwa vinavyofanyika nje ya shule.

Na tatizo lingine kwa shule ya Makumbusho ni mama Utamu ameripotiwa kuwa kikwazo kwa shule hiyo kwani wanafunzi muda wa darasani wanakuwa kwake wakinunu pombe kali(vileo). Wanafunzi wengi walisema kuwa baadhi ya wanafunzi wanatoa tabia mbaya huko na kuja kuzileta hapo shuleni hivyo serikali itumie nguvu kumtoa mama huyo asiendelee kuharibu wanafunzi.
Wanafunzi wa shule mbalimbali za jiji la Dar es salaam wakiendelea kupatiwa vitabu mbalimbali toka Mtandao wa jinsia Tanzania (TGNP) vyenye mafundisho mazuri juu ya haki za mtoto ikiwa leo ni Maadhimisho ya siku ya mtoto wa Afrika.
Na ukiacha changamoto wanafunzi hao waliweza kuhainisha faida mbalimbali walizozipata kupitia mtandao wa jinsia Tanzania TGNP na vituo vya taarifa na maarifa. Miongoni mwa faida hizo ni kufunguliwa kwa choo kilichojengwa katika shule ya Mchangani ambapo walimu walikizuia kisiweze kutumika na badala yake kitumike cha zamani wakati kipya kimeshakamilika.

Na pia kitu kingine wanachojivunia ni kufahamu elimu ya jinsia na haki za mtoto na hivyo kuwaelimisha watu wengine waliopo majumbani wasiweze kuonewa na kufahamu wapi ni mahari sahihi  pa kupatiwa msaada wa kisheria au kijinsia.
Wanafunzi wa shule ya ya sekondary ya Makumbusho wakiimba wimbo wa kuhamasisha Watoto kupewa haki zao za msingi kama elimu, kulindwa nk ikiwa leo ni siku ya Mtoto wa Afrika .
Na mwisho kabisa Diwani viti maalum wa kata ya Makumbusho Bi. Pilli Ochaya aliaidi kuzifanyia kazi changamoto zao na kikubwa alichikiomba ni ushirikiano wao na yeye ili waweze kizitatua changamoto hizo.
                                                                           
Wanafunzi wa shule ya msingi Mchangani wakiimba wimbo kwenye Maadhimisho ya siku ya Mtoto wa Afrika yaliyofanyika katika shule ya sekondari Makumbusho mapema leo jijini Dar es salaam.

Afisa programu ya harakati na ujenzi wa pamoja (TGNP) Mtandao Bi.Anna Sangai akiwaelimisha wanafunzi walioudhuria semina hiyo umuhimu wa kuzijua haki zao kwenye semina iliyoandaliwa na Mtandao wa jinsia Tanzania(TGNP).

Wanafunzi wa shule ya Sekondari ya Kivule iliypo kata ya Kipunguni wakionyesha umahili wao kwenye maigizo yaliyofanyika mapema leo Makumbusho Sekondari jijini Dar es salaam ikiwa ni siku ya Mtoto wa Afrika.

Wanafunzi wa shule ya sekondary Mabibo wakionyesha uwezo wao kwenye maigizo ikiwa leo ni maadhimisho ya siku ya mtoto wa afrika.

Wanafunzi wa shule ya sekondari makumbusho wakionyesha maigizo yao mbele ya Mgeni rasni Bi. Pilli Ochaya ambaye ni Diwani viti maalumu kata ya Makumbusho.

Afisa ustawi Halmashuri Manispaa ya Kinondoni Bi.Editha Mbowe akiwapa elimu ya kujitambua na kujua wapi ni mahali sahihi pa kupeleka malalamiko yao wanafunzi walioudhulia semina hiyo mapema leo jijini Dar es salaam

Diwani viti maalum wa kata ya Makumbusho Bi. Pilly Ochaya akiongea na wanafunzi toka shule shule mbalimbali za jiji la  Dar es salaam kwenye maadhimisho ya siku ya Mtoto wa Afrika.
Diwani viti maalum wa kata ya Makumbusho Bi. Pilly Ochaya akichangisha alambee ya kumchangia mwanfunzi anayetokwa na damu wakati wa hedhi kwa hadi siku 20 na zaidi ili apate ped za kujistili kwa kipindi hicho chote.

About vicent macha

Post a Comment
Powered by Blogger.