PICHA NA VIDEO ZA LISSU NI KAMA WALI KUKU,ZASUBIRIWA KWA HAMU MITANDAONI

Exaud Mtei-Habari24 Media

Ikiwa imepita masaa kadhaa tangu Mwenyekiti wa Chadema Mh Freeman Mbowe kutoa Taarifa ya kiafya ya Mwanasheria na Mbunge wa chama hicho Mh Tundu lissu Taarifa ambayo imeonyesha kuwa mbunge huyo ameanza kurejea kwenye hali yake ya kawaida hatimaye watu mbalimbali mitandaoni wamekuwa na hamu ya kusikia sauti yake kwa mara ya kwanza.

Ahadi ya kutolewa kwa video ya Mbunge huyo ambaye ameliona Jua kwa mara ya kwanza Tangu ashambuliwe kwa Risasi na watu wasiojulikana imetolewa na Mh mbowe ambapo amesema kuwa Baada ya muda mchache watarusha video,sauti na picha za Mh Lissu akiwa Hospitalini baada ya kuweza kutembea kwa msaada wa kiti maalum.

Mara ya mwisho watanzania kuiona Sura ya Lissu ni picha zilizosambaa wakati wa Tukio la kupigwa Risasi na baaada ya hapo kumekuwa na Usiri mkubwa kuhusu picha zake ambapo hata waliokuwa wanakwenda kumtembelea walilazimika kupiga picha nje ya eneo la chumba cha Lissu wakiwa na watu wengine lakini hawakuruhusiwa kupiga picha wakiwa na Mgonjwa Lissu.

Hadi usiku huu wataalamu wa mitandao bado wanafwatilia kwa kina kuona ni saa ngapi picha za Lissu zitaanza Kurushwa mitandaoni ili watanzania ambao walijikita kwenye maombi kuiona Sura yake kwa mara ya kwanza tangu tukio baya la Kushambuliwa,