SHIRIKA LA HEALTH PROMOTION LIMEADHIMISHA SIKU YA MTOTO WA KIKE KWA KUTOA MAPENDEKEZO HAYA KWA SERIKALI

Leo octoba 11 ikiwa ni kilele cha maadhimisho ya siku ya mtoto wa kike duniani shirika lisilo la kiserikali la Health Promotion Tanzania (HDT) linaungana na asasi mbalimbali za kiraia, wadau wa elimu na jamii kwa ujumla kuiomba serikali kuwekeza zaidi katika elimu ya mtoto wa kike.

Meneja wa Miradi ya utetezi wa Health Promotion Tanzania Bw. Greysmo Mutabashoby akitoa ufafanuzi wa jambo fulani katika maadhimisho ya siku ya mtoto wa kike duniani yaliyofanyika mapema leo jijini Dar es salaam

Lakini pia uwekezaji huu uende sambamba na kulinda haki za mtoto wa kike ikiwa kumlinda na ndoa pamoja na mimba za utotoni, ukatishaji wa masomo wa aina zote pamoja na ukatili wowote anaoweza kufanyiwa mtoto wa kike.

Na kutokana na hili kumesababisha kuundwa kauli mbiu inayosema “ondoa vizuizi vya kujamii, kitamaduni, na vile vya kimiundo mbinu ili kufanikisha usawa katika elimu ya sekondari na chuo kwa mtoto wa kike.”

Akiongea na waandishi wa habari mapema leo meneja wa miradi ya utetezi wa HDT Bw. Greysmo Mutabashoby alisema kumekuwa na vizuizi vingi katika swala la upatkanaji wa elimu kwa mtoto wa kike ikiwemo ukosefu wa mabweni katika shule za kata na vyuo kati, lakini pia changamoto ya usafiri na umbali wa shule na vyuo ivyo kufanya watoto hawa kukata tama na kukatisha masomo yao.

Meneja huyo aliendelea kwa kusema kuwa Takwimu zinaonyesha kwa Tanzania kwa wasichana wa umri wa kati ya miaka 10 na 19 ni asilimia 18 ya watanzania wote, ripoti ya maendeleo ya serikali kwa mwaka216 inaonyesha udahili  wa wasichana katika shule ya msingi ulizidi wa wavulana kwa asilimia 0.1 lakini wa wavulana kwa sekondari ulizidi wa wasichana kwa asilimia zaidi ya 6.1 hii inaonyesha tunahitaji nguvu ya ziada katika kupinga hali hii.

Meneja wa Miradi ya utetezi wa Health Promotion Tanzania Bw. Greysmo Mutabashoby akimkabidhi afisa maendeleo ya vijana ofisi ya waziri mkuu , kazi, vijana, ajira na wenye ulemavu Bi. Dorah Meena mapendekezo yaliyotolewa na shirika hilo mapema leo jijini Dar es salaam

Vyanzo vingine vinaonyesha kuwa zaidi ya wasicha 550,000 walikatishwa masomo baada ya kuapata ujauzito nah ii ni kwa muongo mmoja uliopita, lakini pia takwimu za (TDHS-MIS) kwa mwaka 2010 zinaonyesha asilimia 27 ya wakina mama wote waliojifungua walikuwa ni wasichana chini ya miaka 20.

Bw. Greysmo aliendelea kwa kusema kuwa kuna mila na desturi potofu ambazo zinapaswa kukemewa kwa nguvu zetu zote ambazo ni kama ndoa za utotoni, ukeketaji, ubaguzi wa kijinsia na kupendelea jinsia ya kiume mfano mfumo dume na nyingine za aina hii, ambazo zinambana na mtoto wa kike na kumfanya akose haki zake za msingi kama taarifa kuhusu afya yake na kusababisha kuongezeka kwa mimba za utotoni.

Mbunge wa Bunge la Afrika Mashariki Bi. Pamela Massay akitoa msisitizo juu ya utetezi wa haki za watoto wakike mapema leo jijini Dar es salaam, ikiwa leo ni kilele cha maadhimisho ya siku ya Mtoto wa kike Duniani.

Na mwisho shirika hilo lilitoa mapendekezo yafuatayo kwanza kabisa kuiomba serikali kufanya mapitio na kubadilisha sharia na sera kandamizi kwa mtoto wa kike ikiwemo sharia ya ndoa ya mwaka 1977 na kuweka umri wa motto wa kike  kuolewa ni miaka 18 badala ya 14 inayotumika hivi sasa.

Lakini pia serikali kuondoa vizuizi kwa mtoto wa kike na kutengeneza mazingira ya usawa ambayo yataweza kuhamasisha upatikanaji sawa wa elimu kwa mtoto wa kike na wakiume.

Baadhi ya wageni waalikwa kutoka taasisi mbalimbali za watu binafsi pamoja na waandishi wa habari wakisikiliza kwa umakini mawasilisho mbalimbali kutoka kwa viongozi HTP. 

Wazazi nao kwa nafasi yao kuchukua hatua ya malezi bora yenye tija kwa motto wa kike na kuondoa dhana ya upendeleo, lakini pia kwa watoto wa kike kuweza kupambana na changamoto zinazowakabili na kuwasihi wasiingie katika mambo yaliyo tofauti na umri waona kuwataka wasome kwa manufaa yao ya baadae.

Viongozi wa HPT pamoja na wageni waalikwa kutoka Taasisi mbalimbali wakiwa katika picha ya pamoja wakiwa wamebeba karatasi zenye jumbe mbalimbali zikiwa na lengo la kumtetea mtoto wa kike, ikiwa leo ni kilele cha maadhimisho ya siku ya mtoto wakike duniani.