TAASISI YA MAMAS & PAPAS INAKULETEA KONGAMANO KUBWA LA WAJASILIAMALI JIJINI DAR ES SALAAM

Katika kuunga mkono juhudi wa Serikali ya Awamu ya Tano ya Rais John Pombe Magufuli ya kuwa na uchumi mkubwa wa viwanda, taasisi isiyo ya kiserikali ya Mamas and Papas for Community Reform inawakaribisha wakazi wa jiji la Dar es salaam na maeneo ya karibu katika maonyesho ya bidhaa yatakayofanyika eneo la Kigamboni jijini Dar es salaam.

                                   

Maonyesho hayo yatakayodumu kwa siku tatu mfurulizo kuanzia tarehe 30 mwezi huu wa 11 mpaka tarehe 2 ya mwezi 12, taasisi inapenda kuwakaribisha Wafanya biashara, Wafugaji, Wajasiliamali, na wenye viwanda vikubwa na vidogo kuja kushiriki katika maonyesho hayo pamoja na kuleta bidhaa zao.

Lakini pia maonyesho hayo yatahudhuriwa na viongozi mbalimbali wakiserikali, wakidini, na taasisi binafsi ili kuweza kubadilishana uzoefu katika kukuza viwanda vyetu, na pia maonyesho hayo yanatarajiwa kuanza saa 2 kamili asubuhi katika viwanja vya Machava vilivyopo wilaya mpya Kigamboni jijini Dar es salaam.

Hivyo kwa wote wanaopenda kujitangaza kupitia maonyesho haya basi wanatakiwa kufika viwanja vya Machava na kujisajiri kwani usajiri ni bure kabisa na usajiri utafanyika kuanzia tarehe 15 mpaka tarehe 25 ya mwezi wa 11.

Na pia ikumbukwe kuwa maonyesho hayo yanaongozwa na kauli mbiu inayosema “Fursa mikononi mwako 2017 Wilaya ya Kigamboni kwa pamoja tunaweza”

Mamas and Papas for Community Reform ni taasisi inayojishughulisha na utoaji wa elimu ya kupinga matumizi ya dawa za kulevya, ndoa na mimba za utotoni, watoto wanaoishi katika mazingira hatarishi, Ukimwi, Malaria na elimu ya Ujasiliamali na ina Makao Makuu yake Kigamboni jijini Dar es salaam.

Imetolewa afisa habari wa Mamas and Papas for Community Reform Moshi Said