CCM YACHAFUA TENA HALI YA HEWA,NAPE AJITOKEZA MUDA HUU NA KUMPINGA JAJI WARIOBA WAZI WAZI ,ASEMA SERIKALI MBILI NDIO MSIMAMO WAO NA HAWABADILIKI

 

Add caption

 Na Karoli Vinsent

SIKU moja kupita Tangu Mwenyekiti wa Tume ya Mabadiliko ya Katiba Jaji Joseph Warioba kutoa Msimamo kuhusu muundo wa Serikali Tatu hauepukiki kwenye Bunge maalum ya Katiba nchini,Chama Cha Mapinduzi CCM kimeibuka na Kumsuta mwenyekiti huyo

 Na kusema kamwe chama hicho akiwezi kuunga mkono serikali tatu badala yake chama hicho kitashikilia msimamo wake wa Muundo wa Serikali mbili.

Hayo yamesemwa leo Jijini Dar es Salaam na Katibu wa Halmashauri kuu ya Taifa Itikadi na Uenezi ya Chama hicho,Nape Mosses Nnauya wakati wa mkutano na Waandishi wa Habari ambapo alisema CCM hawawezi kuunga mkono muundo wa watu wachache wa serikali tatu.

     “Bado CCM inaamini changamoto za muungano huu ni Suluhisho lake sio kubadili muundo wa muungano tulionao bali ni kuufanyia maboresho muundo tulionano wa serikali mbili,hivyo basi bado CCM inaamini muundo bora kwa sasa utakaodumisha muungano wetu ni SERIKALI MBILI”alisema Nape

Nape aliongeza na kusema chama hicho  kinazidi kusimamia misimamo yake  kamwe hawezi kuunga muundo wa Serikali tatu kwani ni muundo wa watu wachache wasiokuwa na maslai kwa muungano wetu.

“Kimsingi CCM ndio waasisi wa Muungano huu wa Tanganyika na Zanzibar.CCM Ina maslai makubwa na mapana na muungano huu kama waasisi pengine kuliko taasisi nyingi ndani na nje ya nchi yetu”aliongeza Nape

Vilevile Chama hicho kimewaomba wananchi kutokubali muundo wa serikali tatu  na badala yake kuwa watulivu katika kipindi hiki na kusubili hatua zilizobaki katika Mchakato huu wa kupata katiba mpya.

“CCM inaamini awamu mbili zilizobaki kwa kuwa zinahusisha

wakilishi wa wananchi kupitia Bunge maalum la katiba, na Hatimaye itawahusisha wananchi wenyewe moja kwa moja kupitia kura yao Zitumike vizuli kutupa kutupa Katiba ”aliongeza Nape