LHRC WATAKA ADHABU YA KIFO IFUTWE TANZANIA

 Mkurugenzi wa uwezeshaji wa LHRC Bi EMELDA URIO akizungumza na wanahabari leo Jijini dar es salaam kuushoto kwake ni mkurugenzi mtendaji wa kituo hicho  HELLEN KIJO BISIMBA.

Ikiwa dunia leo inaadhimisha siku ya kupinga adhabu ya kifo Duniani  Kituo cha Sheria na Haki za binadamu nchini LHRC kimeitaka serikali na mamlaka husika kuondoa kabisa adhabu hiyo ikiwa ni pamoja na kufuta vipengele na sheria ambazo zinaelekeza adhabu hiyo na badala yake kuweka mbadala wa adhabu nyingine kama kifungo cha maisha kwani kuendekea kuwepo kwa adhabu hiyo ni ukiukwaji wa haki ya binadamu ya kuishi.

Akizungumza leo na waandishi wa habari Jijini Dar es salaam Mkurugenzi wa uwezeshaji wa LHRC Bi EMELDA URIO  amesema kuwa adhabu ya kifo inaondoa uwezekano wowote wa mkosaji kujirekebisha,huku akisema kuwa  ni adhabu ya kikatili isiyo ya kibinadamu hivyo haistahili kuendelea kuwepo kwenye sheria za nchi.

Mkurugenzi huyo anasema kuwa  adhabu ya kifo pia inavunja misingi ya tamko la kimataifa la haki za binadamu la mwaka 1948 ambalo linasema kila mtu ana haki ya kuishi na pia ni marufuku kutoa adhabu ya kikatili kama kifo.

Aidha amesema kuwa Tanzania inapaswa kujifunza kutoka kwa mataifa mengine duniani ambayo hayatekelezi adhabu hii ya kifo na badala yake kutoa adhabu mbadala kama kifungo cha maisha na kazi ngumu kwa watuhumiwa wa mauaji ili kulinda haki hii ya msingi ya kuishi.

Aidha amesema kuwa bado kwenye katiba pendekezwa iliyowasilishwa kwa mh Rais inaonyesha kuwa adhabu hiyo bado ipo ambapo amesema wanamtaka rais kufanya mipango ya kuondoa vipengele hivyo kwani ni kinyume na haki za binadamu.

Katika hatua nyingine Bi EMELDA amesema kuwa harakati za kupinga adhabu ya kifo hazimaanishi kuwa ni kutetea uhalifui hasa mauaji ila ukweli ni kwamba hakuna ushahidi kuwa uwepo wa adhabu hiyo unaweza kupunguza uhalifu na badala yake ni bora kukawa na adhabu nyingine mbadala nje ya adhabu hiyo.

Tanzania ni miongoni mwa nchi chache duniani kama ,CHINA,IRAN,KOREA KASKAZINI,NA MAREKENI ambazo bado zinaruhusu na kutekeleza adhabu ya kifo katika sheria zao.ampapo nchini Tanzania adhabu hiyo ipo kwa mujibu wa sheria ya kanuni za adhabu,sura ya 16 ya sheria za Tanzania,kifungu cha 197 kinachoeleza kwamba MTU YOYOTE ALIYEPATIKANA NA HATIA YA KUUA ATAHUKUMIWA ADHABU YA KIFO.