ADC WAWACHARUKIA WANAOFANYA MAUAJI YA ALBINO KAMA MTAJI WAO

Mwenyekiti wa ADC Tanzania Bwana SAID MIRAAJ ABDULLA akizngumza na wanahabari leo

CHAMA cha alliance for democratic change ADC leo kimeitaka serikali ya Tanzania kuacha kupiga kelele na kufanya  mauaji ya walemavu wa ngozi kama mtaji na badala yake wahakikishe kuwa wanawalinda watanzania wote kwani watanzania wengi wapo hatarini kutokana na majanga mengi yanayolikumba taifa kwa sasa.

Akizungumza na wanahabari leo jijini Dare s salaam mwenyekiti wa ADC Tanzania Bwana SAID MIRAAJ ABDULLA amesema kuwa kuna baadhi ya watu na viongozi wa serikali wameamua kuyafanya mauaji ya ya walemavu wa ngozi kama ni mtaji wao wa kujitafutia umaarufu na kuwakandamiza baadhi ya watu wanaowatuhumu kuhusika na mauaji hayo.

Amesema kuwa kitendo kinachofanya na viongozi wa serikali cha kuwakamata waganga wa jadi katika baadhi ya mikoa hapa Tanzania kwa kile wanachowatuhumu ni wauaji wa albino ni udhalilishaji mkubwa kwa waganga hao ambao wamekuwa msaada wa wananchi katika maeneo ambayo hakuna hospitali kwani hakuna ushahidi wowote unaoonyesha moja kwa moja kama waganga hao wanahusika.

“hivi kuna sehemu ina waganga kama sumbawanga,tanga,na bagamoyo,kwanini huko mauaji ya albino hakuna,au huko hawajui kama kuna waganga,huu ni udhalilishaji mkubwa kwa hawa waganga,hivi kwanini kuanza kuwakamata leo na sio toka walipoanza?”alihoji mwenyekiti huyo wa chama ambacho bado ni kipya nchini Tanzania.

Ameongeza kuwa kwa sasa Tanzania kila mwananchi yupo katika hatari ya kufa akitolea mfano mauaji ya vikongwe,ajali za barabarani,askari kuua raia,vifo vya kina mama na watoto,na mauaji yanayofanywa na wananchi wenye hasira kali,ambapo amesema kuwa serikali inatakiwa kuanza kuyatizama haya kwani yamekuwa yakiua watanzania wengi zaidi ya hao walemavu wa ngozi.

“Hivi ni watu wangapi wanakufa katika ajali kwa mwaka nchini  Tanzania,hivi ni wakina mama wangapi wajawazito wanakufa katika mahospitali kwa kukosa matibabu sahihi,hivi ni watoto wangapi wanakufa katika mahospitali yetu,iweje leo mauaji ya alibino ndio yaonekane yanaua watu wengi na kufanya watu wasahau mambo mengine.

Aidha amesema kuwa mauaji ya watu wenye ulemavu wa ngozi nchini tanzania sasa yamefikia hatua ambayo lazima vyombo ambavyo vinahusika kusimamia usalama wa raia kuchukua hatua stahiki kudhibiti vitendo hivyo na sio kuwakamata waganga pekee na kufanya hivyo ni kuonyesha kuwa serikali imeshindwa kabisa kuwakamata watu ambao wanafanya vitendo hivyo moja kwa moja.

Amesema kuwa kwa kuonyesha kuwa chama hicho kipi pamoja na walemavu wa ngozi baadhi ya viongozi wao ni watu wenye ulemavu wa ngozi ambapo amewataka watanzania kacha imani ambazo zinawafanya wasahau utu wa mwanadamu na kuua walemavu hao katika maeneo mbalimbali nchini.