MTANDAO WA JINSIA TGNP UMEANZA KUKABILIANA NA CHANGAMOTO ZA KUFIKIA USAWA WA KIJINSIA

Shirika lisilo la kiserikali la TGNP Mtandao limeendelea kutoa semina kwa wakazi wa kata mbalimbali za jiji la Dar es salaam pamoja na wanafunzi wa shule mbalimbali za jiji hilo, ikiwa ni miongoni mwa maandalizi ya Tamasha la Jinsia.

Tamasha hilo linalotarajiwa kufanyika tarehe 5 – 8 mwezi 9 kwenye viwanja vya Mtandao wa jinsia TGNP, Mtandao huo umewakutanisha wanafunzi wa shule ya msingi Umoja pamoja na  Mabibo sekondari ili kujadiliana nao mambo mbalimbali ya kwenye jamii inayowazunguka.

Mkuu wa Idara ya Utafiti na Uchambuzi wa TGNP Mtandao Bi. Happiness Maruchu akitoa ufafanuzi wa jambo fulani kwenye semina za GDSS zianzofanyiaka kila wiki makao makuu ya mtandao huo Mabibo Dar es salaam.

Akiongoza semina hiyo Mkuu wa Idara ya Utafiti na Uchambuzi Bi. Happiness Maruchu alisema kuwa wameamua kuwapa elimu wanafunzi wa shule za msingi na sekondari ili kuwajengea msingi mzuri wa kufahamu na kupinga vitendo vya ukatili wa kijinsia wakiwa katika umri mdogo.

Kwenye semina hiyo walikuwa wakijadiri changamoto mbalimbali zinazowakabiri kufikia usawa wa kijinsia.

Mila, Desturi na Tamaduni zetu zimekuwa chachu ya kuchangia unyanyasaji wa kijinsia kwani zimeweka majukumu kwa jinsia hali inayowapa watoto wakiume nafasi ya kutokuwa na kazi kubwa kuliko wakike. Mfano unakuta mtoto wakiume akirudi shule anaenda kucheza mpira au anajisomea lakini mtoto wakike anatakiwa kuosha vyombo, achote maji, kupika n.k hivyo anakosa hata muda wa kujisomea na asipofanya vizuri shuleni analaumiwa wakati apewi muda wa kupumzika na kujisomea kama mtoto wakiume.

Mdau wa semina za GDSS Neofita Kanumbi akichangia hoja kwenye semia iliyofanyika mapema jana makao makuu ya Mtandao wa jinsia (TGNP)

Matabaka ni hali ya kutenganisha majukumu au fursa za maendeleo, unakuta kuna kunakuwa na sharia kama mama anatakiwa kuwa nyumbani kupika chakula na kufanya kazi za nyumbani na wakati baba akifanya kazi kama zile analipwa pesa, mfano baba akipika chakula hotelini analipwa au akuwa na toroli la maji anauza na kupata pesa lakini mama nafanya kama jukumu lake.

Kutotambulika thamani na mchango wa mwanamke - ni hali ya kutoonekana mchango wamwanamke katika hali ya kushiriki maendeleo, hii inatokea pale mwanamke anapotafuta mali na mumewe na baadae ndugu wanakuja kumfukuza kwa kudai ajachangia kwa lolote kwenye upatikanaji wa mali hizo au unakuta mzazi anaumwa na kuuguzwa na mtoto wa kike na baadae anaambiwa una haki ya kurithi matokeo yake anapewa mali mtoto wa kiume ambaye hakuhusika na lolote kwenye kumuuguza mzazi huyo.

Baadhi ya wanafunzi na washiriki wa semina za GDSS wakilisikiliza kwa umakini semina iliyofanyika mapema jana makao makuu ya Mtandao wa Jinsia (TGNP) 

Na wameshauri  wazazi kuwapa elimu watoto wakike kwani thamani ya mtu ipo kwenye elimu, pia binti ataheshimika kwenye familia kutokana na elimu yake, lakini pia elimu itampa mwanga wa kujitambua na kutambua thamani yake yeye kama mwanamke.

Kuwawezesha wanawake kiuchumi pia ni njia nzuri kwani inayowafanya wanawake kujitambua na kutoyumbishwa na wanaume kwa ajiri ya kipato au kuomba pesa kwa ajiri ya matumizi yake binafsi hivyo inapunguza migogoro ya mara kwa mara kwa kuwa wote wanakuwa wazalishaji.

Mwanaharakati wa semina za GDSS Bi. Esther Tibaigaru akichangia mada kwenye semina iliyofanyika mapema jana kwenye ukumbi wa TGNP Mtandao Mabibo Dar es salaam 

Kuandaa mbinu za kuvunja mila potofu na mifumo kandamizi kwenye jamii zetu kwani hii njia itatufanya tuondokane na mazoea tuliyojiwekea ya kuwa siku zote mwanamke ni mtu wa chini na mwanaume anapaswa kukaa juu au mtoto wa kimume anatakiwa kuwa na  maamuzi na wakike kutekeleza kinachosemwa ama kuamuliwa na mtoto wa kiume.

Lakini pia tufuate misingi ya haki za binadamu na imani za kidini kuwa binadamu wote ni sawa na kila mmoja anatakiwa kupata haki kama mwingine na hakuna aliye juu ya mwenzake au aliyebora zaidi ya mwenzake.