CDF YATOA MREJESHO JUU YA MRADI WA KITUNDA WA KUTOKOMEZA UKEKETAJI NA NDOA ZA UTOTONI

Shirika lenye kutekeleza program na mipango mbalimbali yenye kukuza, kutetea na kuboresha haki na ustawi wa mtoto wa Tanzania(CDF) Leo tarehe 26 mwezi septemba limefanya mkutano wa mrejesho wa mradi wa kuhamasisha jamii kutokomeza ndoa za utotoni, ukeketaji na mimba za utotoni katika kata ya kitunda manispaa ya Ilala.

Mradi huo uliyofadhiliwa na ubalozi wa Uhoanzi ulianza kitunda kwani kata hiyo ilionekana kuwa na kiwango kikubwa cha ukeketaji hali iliyofanya kuwepo kwa ndoa nyingi za utotoni hivyo kitunda kuwa ya kwanza katika wilaya ya ilala hata kimkoa pia.

Mradi huo ulitekelezwa kwa kuanzisha vilabu mashuleni, kwa kuanzisha midahalo kwa watoto, vijana wakike na wakiume ambao ni wakazi  wa kata ya kitunda ili kuwajengea uwezo wakazi hao ili kufahamu madhara ya ukeketaji ili waweze kuwa mabarozi wazuri wa kulinda na kutetea haki na ustawi wa mtoto wakike.

Njia nyingine ilikuwa ni kupitia michezo imekuwa ni sehemu nzuri ya kuwavuta watu wengi na hapo hapo walipata elimu hii haswa wanaume ambao ni watekelezaji wa kubwa wa mimba za utotoni na kukiri kuacha tabia hiyo na kuahidi kuwa mabalozi wazuri kwa wenzao ili kukomesha vitendo hivi vya ukeketaji, mimba pamoja na ndoa za utotoni.

Lakini pia njia nyingine ilikuwa ni kutumia vyombo vya habari kwa kufanya mikutano na waandishi wa habari, kwenda katika mahojiano ya vipindi vya radio na televisheni pamoja na magazeti na blogs mbalimbali.

Mgeni rasmi kitika mkutano huo alikuwa ni Naibu Balozi wa Uholanzi Ms. Lianne Houben ambaye pia alizindua tovuti ya rasmi ya CDF ambayo itakuwa ikiweka taarifa zote za miradi inayoendeshwa na shirika hilo, lengo likiwa ni wananchi kutambua shughuli zinazofanywa na shirika hilo na kupata elimu kuhusu ndoa za utotoni, mimba za utotoni na ukeketaji wa wasichana na wanawake.

Miongoni mwa faida za mradi huo ni wanafunzi kupenda sana vilabu hivyo na kujitokeza kwa wingi katika ushiriki hivyo kupata elimu iliyokusudiwa na tangu kuanza kwa mradi huo kumewajengea uwezo mzuri wanafunzi hao na kujilinda dhidi mambo yasiyowafaa kwa umri wao ikiwa ni kupinga ukeketaji na ndoa na mimba za utotoni.

Wanafunzi kuwa tayari kutoka nje ya shule zao na kuipeleka elimu hiyo maeneo mengine ikiwemo shule nyingine hata katika jamii inayowazunguka wakiwemo wazazi pamoja na walezi ili wajue madhara ya ukeketaji na vitendo vyote vya ukatili wa kijinsia.

Na faida nyingine ni kubadilishana uzoefu kati ya waelimishaji pamoja na watoto hivyo kuweza kugundua mambo mengi yanayowakabiri watoto ambayo ushindwa kuyaongea kwa wazazi au jamii, kwa kushirikiana na walimu wao wamepata kujua mambo mengi zaidi.

Mkurugenzi mtendaji wa shirika la jukwaa la utu wa watoto (CDF), Bw.Koshuma Mtengeti akifafanua jambo katika mkutano wa wadau mbambali kujadili mradi wa kuhamasisha jamii kupinga ukeketaji, ndoa za utotoni na ukatili wa jinsia sabamba na uzinduzi wa Tovuti ya shirika la jukwaa la utu wa mtoto (CDF) jijini Dar es salaam.

Naibu Balozi wa Uholanzi Nchini Bi Lianne Houben akizungumza katika mkutano wa wadau mbambali kujadili mradi wa kuhamasisha jamii kupinga ukeketaji, ndoa za utotoni na ukatili wa jinsia sabamba na uzinduzi wa Tovuti ya shirika la Jukwaa la utu wa mtoto (CDF) jijini Dar es salaam.

Naibu balozi wa Uholanzi Nchini Bi. Lianne  Houben akibonyeza kitufe kuzindua wa Tovuti ya shirika la jukwaa la utu wa mtoto (CDF) pembeni yake ni Mkurugenzi mtendaji wa shirika la jukwaa la utu wa watoto (CDF), Bw.Koshuma Mtengeti jijini Dar es salaam.

Kaimu mkuu wa Idara ya Maendeleo na Ustawi wa Jamii Manispaa ya Ilala Bi. Joyce Makete akiongea katika mkutano wa wadau mbambali kujadili mradi wa kuhamasisha jamii kupinga ukeketaji, ndoa za utotoni na ukatili wa jinsia sabamba na uzinduzi wa Tovuti ya shirika la jukwaa la utu wa mtoto (CDF) jijini Dar es salaam.

Mwanafunzi wa shule ya sekondari ya Kitunda Gladness Vitus kutoka CDF klabu akielezea namna ambavyo mradi huo una wanufaisha wanafunzi wa shule yao. 

Wanafunzi kutoa shule mbalimbali za kata ya kitunda wakifatilia kwa umakini mada zilizokuwa zikiwasilishwa katika mkutano huo.

 Afisa uwezeshaji wasichana wa CDF Bi. Lennyster Byalugaba akitoa mchanganuo juu ya kilichofanyika katika mradi huo

Naibu Balozi wa uholanzi Lianne Houben akiwa katika picha ya pamoja na Wanafunzi, walimu kutoka shule mbalimbali za kata ya kitunda