EXCLUSIVE---YULE MWANDISHI WA DAILY MAIL ALIYEANDIKA MAKALA YA KUWAKASHFU VIONGOZI WA TANZANIA AKIWEMO JK KUHUSU UJANGILI,AMETUA IKULU,NI KWA MWALIKO WA VIONGOZI WA JUU,SOMA HAPA

waziri wa maliasili na utalii lazaro nyalandu alipokutana na mwandishi wa daily mail MARTIN FLETCHER nchini uingereza miezi michache iliyopita

Na Karoli Vinsent 

          KILE kinachotafsiriwa ni njama ya Serikali ya Tanzania, kujisafisha baada ya kuumbuliwa kwenye medani za kimataifa na Mwandishi wa Gazeti la Sunday Mail la Nchini uingereza  Martini Fletcher kuhusu vitendo vya Ujangili, hivi leo Mwandishi huyo ameitwa kwenye ikulu ya Jakaya Kikwete,

      Taarifa ambazo amezipata mwandishi wa Mtandao huu zinasema Serikali ya Tanzania kwa kupitia Wizara ya Maliasili na utalii,katika kile kinachoitwa ni kutaka kujikosha,imemwalika Mwandishi huyo wa Habari wa gazeti la Sunday Mail,ambaye hivi karibuni aliandika makala iliyowachefua viongozi akiwemo Rais Jakaya kikwete.

        Chanzo,hicho kinasema kuwa Mwandishi huyo alialikwa na Waziri wa Maliasili na Utalii.Lazaro Nyalandu, taarifa hiyo ilizidi kufafanua kuwa mwandishi huyo aliwasili Jumapili na kufikia kwenye Hoteli ya kimataifa  ya Serena,

    Mwandishi huyo aliyewaudhi viongozi wengi wa Tanzania wasiotaka kuambiwa ukweli,amepangiwa kuzuru kwenye pori la akiba Selous na Hifadhi ya Serengeti.

       Kwa mujibu wa Chanzo chetu zinazisema mwandishi huyo anatarajiwa kukutana na Rais kikwete,lakini hadi sasa haijawekwa wazi ,lakini yamekuwa mapendekezo ya kuhakikisha anakutana na rais kikwete,

        Kuletwa kwa Feltcher kunaelezwa na Baadhi ya watu ni ufujaji Fedha za umma,kwa vile haitarajiwi mwandishi huyo mahiri andike makala ya kukanusha kile alichokiandika.

        

      Makala ya Fltecher kwenye Gazeti hilo la   Uingereza,yaliwakasirisha viongozi wa Tanzania hasa kutokana na ujio wake kulenga  muda ambao viongozi wa mataifa zaidi ya 50 walikuwa wamealikwa kwenye mkutano maalum ulioitishwa na mwana wa Mfalme wa Uingereza,Prince Charles,mjini London.

     Ikumbukwe Makala ya Fletcher yalichapishwa Februali 8 mwaka huu na kuchapishwa kwenye Gazeti la Sunday Mail ambapo katika makala hiyo ilimtuhumu Rais kikwete kwa kushindwa kuwachukulia hatua vinara wa vitendo vya ujangili

       Vilevile, Makala hiyo ikizidi kumtuhumu Kikwete kwa kumdharau aliyekuwa waziri wa Maliasili na Utalii Barozi Khamisi Kagasheki alipokuwa anamletea Orodha ya vinara wa vitendo vya ujangili.

       Kwa upande mwengine Mwandishi huyo alisema pesa zinazotoka na vitendo vya ujangili zinakwenda kukijenga chama cha mapinduzi CCM,

      Baada,ya makala hiyo kuchapishwa ndipo Waziri wa Maliasili na Utalii Lazaro Nyalandu akaibuka na kumpinga mwandishi huyo na kusema serikali ya Rais jakaya Kikwete imefanya kazi kubwa ya kutokomeza vitendo vya Ujangili nchini.

       Katika hali ya kushangaza baada ya Waziri Nyalandu,kukanusha taarifa hizo,Waziri kivuli wa Maliasili na Utalii Mchungaji Peter Msigwa akaibuka na kusema mwandishi huyo yuko sahihi katika makala yake kwani serikali ya Rais Kikwete inawalinda watu wanaohusika na vitendo vya ujangili nchini.

                                                                

       Kauli ya Msigwa ilikwenda kinyume na Rais kikwete wakati anahojiwa kwenye kituo cha Televishini cha CNN,aliutangazia ulimwengu kuwa anamajina 40 ya majangili hatari nchni na kiongozi wao ambaye yuko mjini Arusha.

       Kauli za aina hiyo zilizidi kumpa umaharufu mwandishi Fletcher na kuthibitisha kile alichokisema kwenye makala yake,serikali ya Tanzania haionyeshi utashi katika kupambana na Majangili licha ya kuwatambua.