excusive---PETER MSIGWA AMTETEA MWANDISHI WA DAILY MAIL,SOMA ALICHOZUNGUMZA NA MTANDAO HUU

Na Karoli Vinsent

          BAADA  ya Mwandishi wa Gazeti la Sunday Mail la Nchini uingereza  Martini Fletcher kuandika makala nyingine ikihishutumu tena serikali ya Jakaya kikwete kwa kushindwa kuwachukilia hatua Majangili.Hivi leo waziri Kivuli wa Maliasili na Utalii Mchungaji Piter Msigwa amewamvaa watu waliokuwa wakimbeza mwandishi huyo,na kusema walikuwa hawataki kuambiwa ukweli juu ya ujangili unaofanywa ndani ya nchi.

          

          Mchungaji Msigwa aliyasema hayo Leo wakati wa Mahojiano na Mwandishi wa Mtandao huu,ambapo alisema alichokifanya mwandishi ni sahihi kwani alichokiandika mda hule watu wengi walimbeza yeye

      

         “Leo mmejionea wenyewe baada ya kuandika makala nyengine amezidi kusema ukweli juu ya Serikali ya Rais Kikwete kwa kushindwa kupambana na vitengo vya ujangili juu ya Tembo,na katika makala ya kwanza mlikuwa mnanilaumu mimi kuwa sina uzalendo kutokana na mimi kumwambia ukweli, wakati kuna haja ya kusema ukweli juu ya biashara hii haramu”alisema Msigwa

Msigwa ambaye ni Mbunge wa Iringa Mjini kupitia Chama cha Demokrasia maendereo CHADEMA alizidi kusema serikali ya Rais kikwete bado imeshindwa kupambana na vitendo vya Ujangili nchini na mwandishi huyo amesema hivo hivo.

“Mwandishi huyo amekuja tena mara ya pili, licha ya serikali kutumia Garama kubwa kumlipia Usafiri wa Ndege,garama za Hoteli pamoja na kumtembezwa kwenye pori la akiba Selous na Hifadhi ya Serengeti”

         “Ili akaisafishe serikali kwenye medani za kimataifa ,lakini bado ameenda kuandika ukweli juu ya udhaifu wa serikali katika vita vya ujangili hapa nchini,kwa upande wangu nampongeza sana Martini Fletcher kwa ushujaa wake nawaomba waandishi wa Tanzania waige mfano huu waache kuwa walamba viatu vya Tabaka tawala kama hili lenye maovu mengi” alisema Msigwa.

         Makala yake aliyoitoa Februali 8 mwaka huu na kuchapishwa kwenye Gazeti la Sunday Mail ambapo katika makala hiyo alimtuhumu Rais kikwete kwa kushindwa kuwachukulia hatua vinara wa vitendo vya ujangili

Vilevile, Makala hiyo ikizidi kumtuhumu Kikwete kwa kumdharau aliyekuwa waziri wa Maliasili na Utalii Barozi Khamisi Kagasheki alipokuwa anamletea Orodha ya vinara wa vitendo vya ujangili.

           Baada ya kuandika Makala hiyo  Rais Kikwete wakati alipokuwa nchini uingereza anahojiwa kwenye kituo cha televishieni cha CCN alikanusha taarifa hiyo na kusema serikali yake imefanya kazi kubwa ya kukomesha vitendo vya ujangili hapa nchini.

       Serikali ya Tanzania kwa kile kinachotafsiriwa ni kujikosha kwa Mwandishi huyo,walimwita na yeye aliwasili nchini wiki tatu zilizopita na kufikia kwenye hoteli ya Kimataifa ya Serena na Baadae kutembelea pori la akiba Selous na Hifadhi ya Serengeti.

 na vilevile inasemekana alionana na Rais wa Jakaya kikwete ili Mwandishi huyo abadili kile alichokiandika kwenye makala yake.

          Makala ya Fltecher kwenye Gazeti hilo la Uingereza,yaliwakasirisha viongozi wa Tanzania hususan Rais Kikwete hasa kutokana na ujio wake ulilenga muda ambao viongozi wa mataifa zaidi ya 50 walikuwa wamealikwa kwenye mkutano maalum ulioitishwa na mwana wa Mfalme wa Uingereza,Prince Charles,mjini London.

        Lakini Mwandishi akazidi kuonyesha umakini wake katika fani yake ya uandishi wa Habari  na kuzidi kuivua nguo tena serikali ya Kikwete na kumuumbua,kwani alitoa makala nyingine inayoonyesha udhaifu wa Serikali ya Rais Kikwete kwakushindwa kusimamia ujangili nchini.

        Katika Makala yake hiyo ya Jumapili ya Tarehe 23 mwezi huu alimshutumu Rais Kikwete kwa kushindwa kuwachukulia Hatua Majangili huku akiwajua kabisa wanapokaa.

          Makala hiyo ilizidi kusema Chama cha Mapinduzi CCM ambacho ni Chama anachotoka Rais Kikwete ndio vinara wa Vitendo vya ujangili, ,vilevile Ndio sababu Rais kikwete kushindwa kuwachukulia hatua Majangili.