HII SIO NYA KUKOSA--TAMASHA LA KIMICHEZO NA AFYA KUFANYIKA VIWANJA VYA LEADERS TAREHE 14.06.2015

Mratibu wa Tamasha hilo DIMO DEBWE MITIKI katikati akizngumza na wanahabari mapema leo katika ukumbi wa habari maelezo Jijini Dar es salaam kuhusu tamasha hilo linalotarajiwa Kukonga nyoyo za wana Dar es salaam

Katika jitihada za kuijengea jamii ya kitanzania tabia ya kufanya mazoezi kwa ajili ya kuboresha afya zao, kampuni ya Fern (T) Ltd imeandaa tamasha la kimichezo litakaloambatana na mazoezi pamoja na burudani kwa ajili ya watu wa kada mbali mbali.

Akizungumza na waandishi wa habari jijini Dar es Salaam leo, mratibu wa tamasha hilo DIMO DEBWE MITIKI amesema Lengo kubwa la tamasha hilo, ni kuwakutanisha pamoja watu wa kariba mbalimbali na umri tofauti kufurahi pamaja na kuweka miili yao fit na kuongeza kuwa, watakuwepo wataalamu mbalimbali waliobobea kwenye sekta ya ufundishaji juu ya ufanyaji mazoezi na wataalamu wa afya watakaotoa ushauri mbalimbali wa afya na lishe.

“Kwa siku za hivi karibuni watu wengi wamekuwa wakifuatilia sana masuala ya afya kitu ambacho kimepelekea kuibuka kwa vikundi vingi/vilabu vingi vya mazoezi. Kutokana na kutokuwepo kwa muundo rasmi unaowakutanisha watu hawa wapenda mazoezi Fern imetambua na kuona fursa hiyo kupitia Tamasha la jumapili la mazoezi litafanyika siku ya jumapili ya tarehe 14 mwezi Juni,2015 katika viwanja vya LEADERS CLUB Kuanzia saa 12 asubuhi mpaka saa 12 za jioni,” alisema

Moja kati ta waratibu wa Tamasha hilo JOSEPHINE KAYOMBO akizungumza na wanahabari mapema leo juu ya maandalizi ya Tamasha hilo

MITIKI ametaja washiriki wa tamasha hilo kuwa ni pampja na Joging clubs zaidi ya 100 kutoka wilaya zote 3 za mkoa wa Dar es Salaam; Temeke,Kinondoni na Ilala, makampuni na Taasisi mbalimbali wakiwemo, CRDB Bank, TCDC, SMART TELECOMMUNICATION, PSI n.k

Amesema washiriki wengine ni pamoja na Gyms kama vile AZURA, THE GYM, GENESIS HEALTH CENTRE, POWER ON FITNESS, HOME GYM NA UNIVERSAL GYM, wasanii wa tasnia ya Filamu na Muziki nchini.

“Kutakuwa na shughuli mbali mbali zitakazokuwa zikiendelea wakati wa tamasha .Baada ya watu wote kukusanyika tutafanya jogging kwa pamoja tukianzia viwanja vya leaders kuelekea Coco beach na kuzunguka maeneo ya kinondoni kisha kurudi tena Leaders na baada ya watu kurudi leaders tutaendelea na mazoezi ya viungo (AEROBIC) kwa muda wa lisaa limoja.

Zoezi hili likimalizika litafuatiwa na kipindi cha dondoo za lishe na afya kutoka kwa kwa wataalamu waliobobea ambapo watu watapata fursa wa kujifunza mambo kadhaa yahusuyo afya,” alifafanua 

Ameongeza kuwa, uduma za chakula na vinywaji zitapatikana huku burudani kutoka kwa wakongwe wa muziki wa dansi nchini Bendi ya TWANGA PEPETA watakuwepo kuisindikiza siku hii mahususi.

“Watu wa rika zote mnakaribishwa kuja kushiriki kwenye Tamasha hili la kipekee hakuna kiingilio ni bure kabisa.

Njooni tuungane kwa pamoja kwa kuweka miili yetu fit,  kutengeneza fursa kwa kujenga mahusiano na wadau mbalimbali,” aliongeza

Tamasha limedhaminiwa na CRDB BANK, TIGO, COCA COLA pamoja na CLOUDS FM