MAUAJI YA KINYAMA NCHINI SAUDI ARABIA YAWAGUSA WAISLAM TANZANIA,HII HAPA KAULI YA SHEIKH HEMED JALALA

  Kiongozi mkuu wa chuo cha kiislam (Hawza) Imam Swadiq Maulana ambaye pia ni mmoja ya viongozi wakuu wa kiroho wa waislam dhehebu la Shia Ithna asherriya nchini Tanzania  Sheikh HEMED JALALA  akizngummza na wanahabari jijini Dar es salaam

  Kiongozi mkuu wa chuo cha kiislam (Hawza) Imam Swadiq Maulana Sheikh HEMED JALALA amewataka watanzania pamoja na viongozi wa Dini zote Duniani na wapenda Aman wote kuungana kwa pamoja kulaani mauaji ya watu zaidi ya 40 akiwemo mwanazuoni mkubwa Ayatollah Sheikh BAQIR NIMR yaliyotokea nchini Saudi Arabia tarehe 2,mwezi wa kwanza mwaka huu.

Mauaji hayo ambayo tayari yamedhibitishwa na wizara ya mambo ya ndani ya serikali ya Saudi Arabia yanaelezwa kuwa yalitekelezwa kwa watu hao kuchinjwa hadharani baada ya serikali Riyadhi kuwahukumu kifo kwa makosa ya kushiriki na kushawishi maandamano.

Sheikh JALALA ambaye pia ni mmoja ya viongozi wakuu wa kiroho wa waislam dhehebu la Shia Ithna asherriya nchini Tanzania akizungumza na wanahabari kuhusu mauaji hayo ameeleza kuwa wao kama watanzania wapenda amani na wapenda haki wameshikitishwa sana na mauaji hayo ambayo amesema yanalenga kudidimiza haki za wanyonge ambazo zilikuwa zinadaiwa na watu hao.

Mwanazuoni Ayatollah Sheikh BAQIR NIMR  Enzi za uhai wake 

Amesema kuwa hukumu hiyo ya kifo aliyohukumiwa mwanazuoni na mwanaharakati NIMR ni ya kikatili na msingi wake ni kuivunja heshima ya binadamu ambaye hata katika vitabu vya dini mungu ametaka aheshimiwe,huku akisema kuwa makosa yaliyotajwa na serikali hiyo juu ya watu hao waliouawa hayakustahili adhabu hiyo kwani kumuua kiongozi mwenye wafuasi kwa kosa la kudai haki za wanyonge ni kuamsha na kuchochea vurugu na mizozo ya kidini ambayo imeanza kuibuka baada ya mauaji hayo ya kinyama.

 Ayatollah Sheikh BAQIR NIMR picha ikionyesha moja ya siku ambazo alikuwa mikononi mwa polisi wa Saidi Arabia 

Baadhi ya mambo ambayo mwanazuoni huyo Sheikh BAQIR NIMR pamoja na wenzake walikuwa wakiyapigania ni pamoja na Uhuru wa wananchi kuchagua viongozi wao kwa kura badala ya kuongozwa kifalme,kutolewa na kuachiwa huru wafungwa wa kisiasa waliokamatwa kwa kudai mabadiliko ya kiuongozi katika serikali,pamoja na kudai haki za binadamu ziheshimiwe kwa kuwa kuna matabaka ndani ya nchi ambayo yanawanyima haki zao za msingi.