LHRC WAIBUA MADUDU YA UCHAGUZI WA KINONDONI NA SIHA,WASEMA WAO SIO WAPINZANI ILA WANASIMAMIA HAKI.

Ikiwa ni wiki Kadhaa kupita Tangu kumalizika kwa uchaguzi Mdogo wa Ubunge kwa majimbo mawili ya Kinondoni na Siha uchaguzi ambao Chama cha mapinduzi CCM waliibuka kidedea hatimaye ripoti ya Kituo cha sheria na haki za Binadamu kuhusu uchaguzi huo imeeleza wazi kuwa pamoja na kuwa uchaguzi huru lakinu haukuwa wa Haki..

Mapema Leo makao makuu ya ya kituo hicho Dar es salaam Kaimu Mkurugenzi wa LHRC Anna Henga amesema kuwa uchaguzi huo uligubikwa na kasoro nyingi ikiwemo vyama vya upinzani kuminywa haki zao za msingi huku chama Tawala kikizipata.

Henga amesema kuwa sakata la Kuzuiwa kwa Mawakala wa vyama vya upinzani kuingia katika vituo vya kupigia kura na kuchelewa kuingia ni moja kati ya dosari kubwa zilizouharibu uchaguzi huo na kuonekana ni uchaguzi wa Upande mmoja ambapo mawakala wa chama Tawala hawakupata usumbufu wowote.

Aidha amesema kuwa swala lilingine lililotia dosari katika uchaguzi huo ni Matumizi makubwa ya nguvu yaliyopelekea kujeruhiwa kwa baadhi ya wananchi na Kifo cha mwanafunzi Akwilina ambapo wamesema kuwa hakukuwa na ulazima wa kutumia nguvu katika uchaguzi huo.

Akifafanua report hiyo Henga ameweka wazi kuwa Kituo cha sheria na Haki za Binadamu LHRC sio mshirika wa vyama vya upinzani bali wanasimamia sheria na pale kwenye ukweli lazima usemwa kwa kuwa ni haki za watu zimeminywa.

“Wanasema sisi ni wapinzani lakini sio kweli hii ni kwa kuwa tunaongea ukweli,sisi ni watu huru tunaopogania haki za binadamu na hatutaogopa kwa kuwa tupo ndani ya sheria za nchi na hatuvunji sheria” Ameeleza Kaimu Mkurugenzi huyo Anna Henga.

Maswala mengine yaliyotajwa na kituo hicho kama dosari katika uchaguzi huo ni pamoja na Mwitikio mdogo wa wapiga kura,Vituo kutofunguliwa kwa wakati,Uwepo wa polisi wengi vituoni,Matumizi ya watoto katika kampeni akitolea mfano video iliyosambaa ikionyesha motto akicheza jukwaani katika kampeni ya Chama cha mapinduzi kinyume na sheria za uchaguzi,Pamoja na matumizi ya Rasilimali za Umma katika kampeni huku akiwataja baadhi ya mawaziri kutumia magari ya serikali katika kampeni za uchaguzi huo.