WAZIRI WA AFYA AZINDUA KITABU CHA "BREAKING THE CHAINS OF POVERTY" KILICHOANDIKWA NA WORLD VISION

Watanzania wametakiwa kuvifanya vitu vitatu muhimu katika maisha yao ya kila siku ili waweze kufikia mafanikio  moja ya vitu hivyo ni kujituma, kuwa tabia ya kuweka akiba na kuwekeza kwa ajili ya maisha yao ya baadae.

Hayo yamesemwa jana na Waziri wa Afya Maendeleo ya Jamii Jinsia Wazee na Watoto Mh. Ummy Mwalimu alipokuwa akizindua kitabu cha “Breaking the Chains of Poverty” kilichoandaliwa na kuandikwa na shirika la World Vision.

Katika uzinduzi huo uliofanyika Serena Hotel jijini Dar es salaam ulioudhuliwa na wadau kutoka taasisi mbalimbali za kiserikali na binafsi zenye kulinda na kutetea maslahi ya wananchi, wanawake pamoja na haki na ustawi wa mtoto.

“Napenda jinsi shirika hili la World Vision linavyofanya kazi kwa kujaribu kuwaleta pamoja watu wa dini zote na kuwajengea uwezo katika kujitafutia kipato bila kuangalia itikadi au dini zao” alisema Waziri Ummy

“Sisi kama serikali tunafurahi kuona mashirika binafsi yanajaribu kuwakomboa wananchi wanyonge kwa kuwapa elimu na namna ya kujikomboa katika maisha haya, kwani hii inakuwa imetusaidia majukumu yetu sisi kama serikali na kumpa moyo Rais wetu mpendwa Magufuli katika juhudi zake za kuhitaji kila mtu afanye kazi ili kuweza kuijenga nchi yetu” aliongezea ummy mwalimu

Aidha waziri ummy alisema kuwa amekisoma kitabu kwa haraka haraka lakini amegundua kuwa kina malengo mazuri kwa jamii ya kitanzania na afrika kwa ujumla kwani kinawapa mwanga vijana na watu wa lika zote kuweza kujitafutia maisha kwa njia ya ujasiriamali bila kukwaza watu wengine.

Waziri huyo aliendelea kusema amefurahishwa na shuhuda za watanzania wengi ambao wamefanikiwa kwa kujengewa uwezo kupitia semina zilizoendeshwa na shirika hilo la World Vision, na hii inaonyesha kwa kiasi gani shirika hili linaweza kuwa nuru kwa watanzania kujikomboa dhidi ya umasikini.

Waziri wa Afya Jamii Jinsia Wazee na Watoto Mh. Ummy Mwalimu akisikiliza miongoni mwa mipango ya shirika la World Vision alipotembelea moja ya banda la shirika hilo ukiona nini kinafanywa na shirika hilo, mapema jana katika uzinduzi wa kitabu kilichoandikwa na shirika hilo. 

Viongozi wa dini ya kiislam na wakristo wakiwa pamoja katika sherehe za uzinduzi wa kitabu cha "Breaking the Chains of Poverty" kilichoandikwa na shirika la World Vision.

Meza kuu ikifuatilia matukio yaliyokuwa yakiendelea katika sherehe hizo.

Baadhi ya watu waliofanikiwa kupitia mradi wa World Vision kwa kupewa elimu na baadae kujiendeleza wenyewe katika shughuli za ujasiriamali wakitoa shuhuda zao mapema jana jijini Dar es salaam.

Margaret Schuler mbaye ni Makamu wa Rais wa shirika la World Vision nchini Marekani akitoa salamu za nchini huko na mipango ya shirika hilo kwa sasa.

Mwenyekiti wa bodi ya Wakurugenzi ya World Vision Bw. Antony Chamungwana akimkaribisha mgani Rasmi Mh. Ummy Mwalimu kuongea na hadhara iliyofika katika uzinduzi wa kitabu cha "Breaking the Chain of Poverty" mapema jana Serena Hotel jijini Dar es salaam.

Waziri wa Afya Jamii Jinsia Wazee na Watoto Mh. Ummy mwalimu akiongea na hadhara iliyofika katika uzinduzi wa kitabu hicho mapema jana jijini Dar es salaam.

Meza kuu wakisaini vitabu baada ya uzinduzi tayari kwa kuvigawa kwa washiriki wa tafrija hiyo fupi iliyofanyika mapema jana Serena hotel jijini Dar es salaam

             ANGALIA VIDEO HII KUSIKIA MENGI ALIYOSEMA WAZIRI UMMY..