VIDEO-MBUNGE UPENDO PENEZA AFUNGUKA MAZITO KUHUSU HOJA YAKE YA TAULO ZA KIKE KWA WANAFUNZI

Serikali imetakiwa kutoa taulo za kujihifadhia(Ped) bure kwa watoto wa kike katika shule za msingi na sekondari, kwani hii itasaidia kupunguza tatizo la watoto wa kike kukosa masomo kwa siku kadhaa.

Mbunge wa Viti Maalum (CHADEMA) Upendo Peneza akitoa ufafanuzi wa jambo fulani katika semina za Jinsia na Maendeleo(GDSS) mapema jana ofisi za TGNP Mtandao.

Hayo yamesemwa mapema jana jijini Dar es salaam na Mbunge wa viti Maalum kupitia CHADEMA Mh. Upendo Peneza alipokuwa akiwaelezea washiriki wa semina za Jinsia na Maendeleo(GDSS) jinsi alivyopeleka hoja hiyo bungeni.

Aidha Muheshimiwa Upendo alisema kuwa ikiwa serikali imeweza kutoa elimu bure kwa watoto wote kuanzia shule ya msingi mpaka sekondari, hivyo haitashindwa kutoa pedi kwa watoto hawa kwani hali hii inawaathiri watoto wengi wa kike kwa kukosa masomo kwa siku 4 mpaka 5 ambazo ukijumlisha kwa mwaka ni siku nyingi sana hali inayosababisha watoto wengi kutokuwa uwezo mzuri darasani.

Mbunge huyo aliendelea kusema kuwa hoja hiyo haikuweza kupitishwa ndani ya Bunge ili kuweza kujadiliwa kwa madai ya serikali kuwa amevunja sharia 99 kipengele cha 2 cha katiba ya Jamhuri ya Muungano wa Tanzania, lakini baadae kamati ya huduma za jamii ya Bunge ilikubali na kuhitaji mapendekezo kwa wabunge kuweza kupitisha au kukataa.

“Licha ya serikali kukubali hoja hiyo lakini mpaka leo haijatoa tamko lolote kuhusiana na kutoa pedi hizo bure, lakini mimi kama kiongozi najaribu kuikumbusha serikali kwa kuiandikia barua, kushirikiana na mashirika yasiyo ya kiserikali katika kupaza sauti zetu kwa pamoja ili kusaidia jambo hili na pia kuirudisha hoja hiyo tena bungeni kwa kuona kama inaweza kupewa kipaumbele katika bajeti ya mwaka huu 2018/2019.” alisema Upendo

Mh. Upendo aliendelea kusema kuwa tunapigania watoto wetu waweze kuapata taulo za kujihifadhia bure ili kujenga taifa bora lenye usawa hivyo kwa mwaka huu wa fedha ikishindikana kutengwa pesa kwa jambo hilo basi serikali iondoe hata kodi kwa vifaa hivyo ili kupunguza mzigo kwa wazazi na jamii nzima kwa ujumla.

Mbunge huyo aliongezea kwa kusema kuwa kwa ustawi na ukuaji mzuri wa watoto wa kike ni kuwajengea mazingira mazuri kama kuongeza matundu ya vyoo kuwapatia taulo za kujihifadhia wakiwa katika siku zao pamoja na vyumba ya kujihifadhia mashuleni.

Na mwisho aliongezea kwa kusema kuwa pia hata katika taulo za kujihifadhia zipo za aina mbili kuna za kufua zikichafuka na nyingine zikichafuka unatupa, lakini ni nzuri za kutumia na kutupa kwani zile nyingine zinaweza kuleta maradhi endapo zitakosa matunzo mazuri hali itakayosababisha serikali kutumia fedha nyingi katika kuwapa matibabu watoto hao.

Mbunge Upendo Peneza akiendelea kutoa elimu kwa washiriki wa semina za GDSS.

Mshiriki wa semina Betty Kazimbaya akichangia mada katika semina ya jinsia na maendeleo(GDSS) jana jijini dar es salaam

Mshiriki wa muda mrefu wa Semina za Jinsia na Maendeleo ambaye pia ni Mkurugenzi wa Sauti Jamii Kipunguni Selemani Bishagazi akichangia mada inayohusu Watoto wa kike wa shule za msingi na sekondari kupatiwa taulo za kujihifadhia bure.

Washiriki wa semina wakifuatilia kwa umakini anachokifundisha mbunge Upendo Peneza.

                             

                          

               ANGALIA VIDEO HII KUJUA MENGI ZAIDI..