REPORT MAALUM--UFISAD MKUBWA WAITAFUNA KCU KAGERA

Na Karoli Vinsent

          DIBWI  la kufa Mashirika ya Umma na Viwanda limezidi kuiandama Serikali,hivi leo Ushirika wa KCU (1980) Ltd,uko taabani mda wowote Ushirika huo utakufa,kutokana na Ufisadi unaofanywa na Viongozi wa ushirika huo,Habari24 imebaini.

           Wakulima wanaounda ushirika wa KCU (1980) Ldt.mkoani kagera wameamua kupigia kelele bila kuchoka,hata kwa kelele hizo hazionekani kusikilizwa na yeyote kati ya wale waliolengwa kuzisikiliza.

           Habari za kuaminika ambazo mwandishi wa mtandao huu amezipa na kuthibitishwa  Wanaushirika wanaounda ushirika huo,Zinasema kwasasa ushirika huo upo mbioni kufa kutokana na ufujaji wa pesa unaofanywa na Viongozi wa Ushirika huo,

         Wanaushirika hao wanasema kwamba kwa sasa ushirika wao hauna chochote cha kujivunia,kitu kinachofanya ushirika wao uonekane kama mkusanyiko au umoja wa Mateso tu.

         Wanaushirika hao wanazidikusema kahawa hainunuliwi tena KCU (1980) Ltd.kwa sasa kwa madai ya ushirika huo kutokuwa na pesa,

        Wakati ikisemekana kwamba ushirika huo hauna fedha cha kununulia kahawa,chama chao hicho kinayo madeni yasiyosemekana,pamoja na chama hicho kuwa na vitega uchumi lukuki lakini  kinachozalishwa na vitegauchumi hivyo havionekani.

       Habari ambazo mwandishi mtandao huu amepenyezewa na Wakulima wa Ushirika huo zinasema licha ya kuwa na ukata wa pesa ushirika huo,lakini kwa viongozi wa ushirika huo kwao ni neema tu.

         Kwamba viongozi wa KCU (1980) Ldt.ni watu wanaopendelea kujiweka ngazi moja na watu  wanaoendesha taasisi zenye ukwasi wa hali ya juu sana

         Taarifa hiyo inasema hivi karibuni viongozi wa ushirika huo waliaandaa safari ya kwenda Burundi ,safari hiyo iligarimu si chini  milioni 23,tena pesa hizo ni za mkopo toka benki ya CRDB,

         Safari,hiyo haikuwa na umuhimu wowote  kama viongozi  hao kutokana na hali ya ushirika huo ilivyokuwa mbaya,kwasababu  tayali ushirika huo ulikuwa na mwakilishi kule Burundi kwa ajili ya matakwa ya kitaalamu.

          Hatahivyo inasemekana wajumbe wengine ya bodi walienda kutalii tu ikiwa ni sehemu mojawapo ya kuongezea mzigo KCU ,bila ya sababu yeyote,

          Taarifa za kuaminika zinasema baada ya ujumbe huo kutoka kwenye safari hiyo ya kitalii nchini Burundi inadaiwa kuwa vilianza vikao vya siri kutaka kujua ni mtu gani anatoa nje siri za viongozi,

        Wakilima wengi wa kahawa wa mkoa wa Kagera, hususani walio chini ya chama kikuu cha ushirika cha KCU (1990) Ltd., wamezoea kuuza kahawa yao kupitia vyama vyao vya msingi kwa kutegemea bei wanayopangiwa na wanunuzi. Mnunuzi mkuu wa kahawa yao ni chama chao kikuu cha ushirika, KCU (1990) Ltd..

        Chama hicho ndicho kinachowapangia bei wakulima kulingana na uongozi wake unavyojisikia.Ushirika huo kwa sasa huko katika hali mbaya kutokana na ufisadi mkubwa ambao unaofanywa na wajumbe wa bodi hiyo.

            Mwandishi wa Mtandao huu alimtafuta waziri wa Waziri wa Kilimo, Chakula na Ushirika, Christopher Chiza,kutaka kujua kwanini serikali inawafumbia macho viongozi hao wa KCU Ltd ambao wamekuwa wakifanya ufisadi,Simu ya Waziri huyo iliita bila ya kupokelewa.