HABARI NZITO LEO-UFISADI WA ESCROW WACHUKUA SURA MPYA,NCCR WAIBUKA NA MAMBO MAZITO,SOMA HAPA

PICHA NA MAKTABA

 Na Karoli Vinsent

             KASHFA ya ufisadi uliofanywa na Serikali ya Rais Jakaya kikwete kwenye Akaunti ya Tegeta ya Escrow  ambayo inadaiwa kuchotwa Bilion 249 na watendaji wa Serikali yake ,sasa yafikia pabaya baada ya leo chama cha NCCR Mageuzi kuibuka na kusema hakitoweza kukubali ufisadi huo.

         Kauli hiyo imetolewa leo Jijini Dar es Salaam na Katibu mkuu wa Chama NCCR  Mageuzi Mosena J Nyambabe ,wakati wa Mkutano na Waandishi wa  Habari,ambapo alisema chama hicho kimechoka na Ufisadi unaofanywa na serikali ya CCM,na wameamua kuanzisha ziara nchi nzima kupinga ufisadi huo.

        “Chama chetu kimeamua kuungana na Mbunge wetu  David Kafulila kuhusu ufisadi huu,kwasababu ushahidi  uko wazi watendaji hawa,wameiba pesa na hizi ni fedha nyingi sana,leo nchi hii ni masikini haina maji huko vijini,watu wanalala na njaa huko hospitali dawa hakuna lakini leo watu wachache wanaiba pesa hizi halafu hawachukuliwi hatua sisi hatutakubali”alisema Nyambabe

          Kuhusu spika wa Bunge kukataa kuunda tume Huru kuchunguza ufisadi.

Nyambabe,alisema spika wa Bunge Anna Makinda amehusika kwenye ufisadi huu,kutokana na kuendelea kuwakingia mafisadi hao.

            “Namshangaa Spika huyo kwa kitendo chake kushindwa kuunda tume huru kuchunguza ufisadi  huu,kwani kazi ya Bunge ni kusimamia Serikali,ni aibu kwa Spika kukataa Bunge lisichukue Jukumu lake la kuchunguza Serikali ,lakini leo anashindwa kufanya hivi,jamani spika huyu hana huruma na nchi yake?”alihoji katibu huyo

         Katibu huyo alizidi kuendelea kusema kitendo cha Spika Anna Makinda kumwachia mkaguzi mkuu wa Hesabu za Serikali Ludovick S.l Utouh ni kubariki ufisadi huo wa Ecrow kwani Mkaguzi huyo aliwai kumsafisha aliyekuwa  katibu mkuu wa Wizara ya nishati na Madini Mzee Jailo.

Kuhusu Nyaraka asilimia 70 za PAP ambazo ni za kugushi kwenye mkataba wa IPTL.

        Katibu huyo wa chama cha Upinzani kinachokuja kwa kasi nchini alisema ni ujinga kwa viongozi wetu kwa kushindwa kuona jinsi Mmiliki huyo anavyofoji  nyaraka hizo .

         “Leo mwanasheria mkuu wa Serikali anashindwa kuona Jinsi huyu Singa Singa ambaye  ndiye mmiliki wa PAP alinunua hisa asilimia 70 za IPTL Kwa PIPERLINK kwa 480 milioni”

          “kwamba PIPERLINK ilinunua asilimia hiyo 70   kutoka kwa Merchmar kwa Tsh6 millioni wakati kampuni hiyo hiyo ilinunua asilimia 30 kutoka kwa VIP alinunua kwa 120bilioni na pia inaonyeshwa kodi ililipwa disemba 6,2013 wakati fedha alipewa fedha za esrow tangu Novemba 2013,hivi  huyo Spika haoni Wizi huu”aliongeza Nyambabe

          Naye Mbunge wa Kigoma Kusini David Kafulila ambaye ndio  aliyeibua ufisadi huo wa kutisha alisema Hatomuogopa mtu kuhusu ufisadi huu licha ya kutishiwa maisha  na Mafisadi hao  pamoja na kupelekwa mahakani ataendelea kulishikia bango sakata hili na kusema watapita nchi nzima kupinga ufisadi huo na sasa wameanza mkoa wa Kigoma.

          Kuhusu kufunguliwa kesi Mahakani na Mmiliki wa Kampuni ya PAP.

Kafulila,ambaye ni katibu mwenezi wa NCCR ,alisema atakubali hata kufungwa jela akiwatetea wananchi wanaoteseka  na ufisadi unaofanywa na Serikali ya CCM.

Ambapo alizidi kuongeza kwamba Mmiliki wa kampuni ya PAP anayejulikana  kama Singasinga, kwani ndiye aliyewai kutajwa kwenye Mtandao unaoibua Ufisadi wa Wikleaks kwamba ni miongoni mwa watu waliotajwa kwenye Skendo ya Ufisadi ya Goldenberg nchini Kenya na Jina lake likiwa no 8 akishirikiana na Mtoto wa Rais mstaafu Kenya,Gidion Moi,na leo amekuja hapa nchini kufanya ufisadi kushirikina na watendaji wa Serikali huku akiangaliwa.