TB JOSHUA AWASILI KUSHUGHUDIA DR MAGUFULI AKIAPISHWA

Rais Mteule wa Jamhuri ya Muungano wa Tanzania Dk. John Pombe Magufuli akiongozana na Temitope Balogun Joshua maarufua kama TB Joshua Mkuu wa Kanisa la (Synagogue Church of All Nations a religious organisation) la Nigeria,  wakati alipomlaki kwenye uwanja wa Ndege wa J.K. Nyerere International Airport jijini Dar es salaam.

TB Joshua amekuja nchini kushuhudia kuapishwa kwa Dk. John Pombe Magufuli atakayeapa kuwa Rais wa Awamu ya Tano wa Tanzania akimrithi Rais anayemaliza muda wake Dk. Jakaya Mrisho Kikwete baada ya kuongoza nchi kwa miaka 10 .

Dk. John Pombe Magufuli ataapishwa kwenye uwanja wa Taifa wa zamani Novemba 5 Alhamisi mwaka huu jijini Dar es salaam na kushuhudiwa na wananchi vyombo vya ulinzi na usalama, viongozi kutoka mataifa mbalimbali ya Afrika na Ulaya wakiwemo mabalozi mbalimbali. 

Mtume TB Joshua wa kanisa la Church of All Nations nchini Nigeria  ametua jijini Dar es salaam leo  tayari kwa kushuhudia kuapishwa kwa Rais wa Awamu ya Tano Dkt. John Pombe Magufuli siku ya Alhamisi.

Mara tu baada ya kutua uwanja wa Ndeghe wa Kimataifa wa Julius Nyerere, TB Joshua alikwenda Ikulu moja kwa moja kumsalimia Rais Jakaya Mrisho  Kikwete  kumsabahi na kumpongeza kwa kufanikisha uchaguzi mkuu kwa uhuru na amani, huku akiondoka madarakani akiwa mtu mwenye furaha. TB Joshua amepongeza Rais Kikwete pia kwa kupata Dkt Magufuli kama mrithi wake, akimtaja Rais huyo mpya mteule kama Rais wa Tanzania wa Baraka na Fanaka tele katika awamu hii mpya.

 Rais Jakaya Mrisho Kikwete akimlaki Mtume TB Joshua wa kanisa la Church of All Nations la nchini Nigeria Ikulu jijini Dar es salaam jioni hii. TB Joshua ametua jijini Dar es salaam  tayari kwa kushuhudia kuapishwa kwa Rais wa Awamu ya Tano Dkt. John Pombe Magufuli siku ya Alhamisi.

 Rais Jakaya Mrisho Kikwete akiongea na Mtume TB Joshua wa kanisa la Church of All Nations la nchini Nigeria Ikulu jijini Dar es salaam jioni hii.

Picha na Freddy Maro