KITUO CHA SHERIA NA HAKI ZA BINADAMU KIMEADHIMISHA SIKU YA HAKI ZA BINADAMU SOMA HAPA KUJUA ZAIDI

Vijana ni jeshi kubwa ambalo likipewa nafasi na kutengenezwa vizuri litaweza kuleta mabadiliko na utetezi mzuri wa haki za binadamu hapa nchini kwetu na duniani kwa ujumla.

Hayo yamesemwa na Mkurugenzi Mtendaji wa Kituo cha Sharia na Haki za Binadamu Bi. Helen Kijobisimba mapema jana katika maadhimisho ya siku ya haki za binadamu kimataifa.

Maadhimisho hayo ambayo ufanyika kila mwaka kila ifikapo tarehe 10 ya mwezi disemba na yalianza kuadhimishwa toka mwaka 1950 pale tu lilipotoka tamko la la Umoja wa Mataifa kuhusu siku hiyo mwaka 1948.

Mkurugenzi Mtendaji wa Kituo cha Sheria na Haki za Binadamu Bi. Helen Kijobisimba akiongea na waandishi wa habari mapema jana Karim jee jijini  Dar ese salaam

Mkurugenzi huyo alisema kuwa wao wameamua kuadhimisha kwa siku ya ijumaa tarehe 8 kutokana kwamba jumaa pili itakuwa ni siku ya ibada na pia serikali itakuwa na maadhimisho yake hivyo wao wakaona ni vyema kufanya siku hii.

Aidha mkurugenzi huyo alisema kuwa Lengo kuu la maadhimisho hayo ni wao kama watetezi wa haki za binadamu kujipima katika utetezi wa haki hizo, wamefikia wapi na wanahitajika nini wafanye ili kuweza kufika pale panapostahili kufikiwa katika mawswala ya haki ndani ya taifa.

Lakini pia kujua wamefanikiwa kiasi gani kuishauri serikali kutekeleza upatikanaji wa haki za binadamu kwa kuwa wao ndio watekelezaji wakubwa kama walivyokubali kusaini mikataba ya kimataifa ya kutetea na kulinda haki hizo.

Kwa mwaka huu maadhimisho hayo yamebeba ujumbe unaosema “haki za bianadamu na viwanda”

Baadhi ya washiriki wa maadhimisho ya siku ya Haki za Binadamu yaliyofanyika mapema jana jijini Dar es salaam.

Na hii ni kwa nchi yetu kuelekea uchumi wa viwanda je? haki za binadamu zitaweza kufuatwa na kulindwa katika maeneo hayo, lakini pia kwenye viwanda kutazalisha vitu kama ajira, biashara na shughuli nyingine, sasa katika maeneo hayo wasimamizi na wafanyakazi wataweza kuzitetea na kuzilinda haki za binadamu.

Bi Helen aliendelea kusema kuwa licha ya kuangazia katika maeneo ya viwanda lakini wamejadili haki mbalimbali kama haki ha kuishi, haki ya kulindwa, uhuru wa vyombo vya habari, uhuru wa kujieleza na haki nyinginezo.

Na pia kuendelea kupinga vitendo vya watu kutekwa na kupotea kama Benny Sanane, mwandhishi wa habari wa Mwananchina ndugu.  Azory na wengineo lakini pia kujaribu kumuua Mbunge wa Singida Mashariki Mh. Tundu Lissu na mengine mengi yanayoendelea.

Mwenyekiti wa Tume ya Haki za Binadamu na Utawala Bora Bw. Bahame Tom Nyanduga akiongea na waandishi wa habari mapema jana, katika maadhimisho ya siku ya Haki za Binadamu yaliyoandaliwa na Kituo cha Sheria na Haki za Binadamu (LHRC).

Kwa upande wake mwenyekiti wa tume ya Haki za Binadamu ya Utawala Bora Bw. Bahame Tom Nyanduga amevitaka vyombo vya usalama ikiwa ni jeshi la polisi pamoja na mahakama kutekeleza majukumu yao kama inavyotakiwa ili kuwezesha haki kupatikana.

Aliendelea kusema kuwa vyombo hivi vinatakiwa kuhakikisha chunguzi zinafanyika kwa muda mfupi na stahiki na pia kesi zisizungushwe sana ili kuweza kurahisisha upatikanaji wa haki kwa raia.

Lakini pia alisema kuwa serikali ina jukumu kubwa la kuhakikisha kuwa haki za binadamu hazivunjwi kwani wao wamesaini mikataba ya kimataifa na ya kikanda  hivyo ikishindwa kuzuia matukio kama yanayotokea sasa ya watu kukwa na wengine kuuwawa hii inasababisha kuonekana kuwa imeshindwa kutekeleza mikataba iliyoingia.

Na mwisho alisema kuwa wao kama tume ya haki za binadamu na utawala bora jukumu lao ni kuishauri serikali kuhusu maswala yanayohusu haki za binadamu na kuhakikisha haki hizo hazivunjwi katika nchi yetu.