VITAMBULISHO MAALUM(ACCREDITATION) KWA WAANDISHI WA KULIPOTI KOMBE LA DUNIA MWISHO WA KUTOLEWA JANUARY 15 SOMA HAPA KUJUA..

Shirikisho la mpira wa miguu Tanzania (TFF) linavikumbusha vyombo vya Habari kuhusu utaratibu wa kadi maalumu za kuingilia Uwanjani kwa waandishi wa habari(accreditation) katika mashindano ya kombe la Dunia yatakayofanyika Russia mwakani.

Utaratibu huo uko tayari ambao unawataka waandishi kujaza kupitia link maalumu inayosimamiwa na Idara ya habari na mawasiliano ya TFF.

Kwa mwana habari yeyote anayetaka kuripoti fainali hizo za kombe la Dunia awasiliane na Idara ya Habari na Mawasiliano TFF ili aweze kuthibitishwa FIFA ambapo mwisho wa zoezi hili ni January 15,2018.

FIFA wamebadilisha utaratibu wake wa kutoa kadi hizo maalumu kwa waandishi wa Habari  kuripoti mechi na kwa fainali hizo za Russia mwakani mwandishi atapata kadi hiyo kwa kupitia link maalumu iliyotolewa kupitia TFF.

Tunawahimiza waandishi wa Habari kuwasiliana na Idara ya Habari na Mawasiliano ya TFF kwakuwa muda umebaki mchache kufikia siku ya mwisho ya kuthibitishwa ili kupatiwa kadi hizo.