Jangwani imenoga --Tizama ninachokiona sasa hapa jangwani

Maandalizi ya mkutano wa ufunguzi wa kampeni wa umoja wa katiba ya wananchi UKAWA kesho hapa viwanja vya jangwani sasa yamefikia hatua nzuri.hapa nimekuwekea picha kadhaa za nilichokishughudia muda huu hapa jangwani mafundi wakendelea kupandisha majukwaa kwa ajili ya shughuli hiyo ya kesho.unaweza kutizama picha hapa

Kidoogo yatokee mafuriko--Tizama mkutano mzima wa lowasa na wanawake wa Dar es salaam leo

Wanawake kutoka kona mbalimbali za jiji la Dar es Salaam wamejitokeza katika ukumbi wa Milenium Tower katika mkutano wa baraza la wanawake wa Chadema ambao mgeni rasm ni mgombea wa urais wa UKAWA Mh Edward Lowassa ambaye amewataka wanawake kushiriki ipasavyo katika kuleta mabadiliko.

Mheshimiwa Lowassa aliyeambatana na viongozi wa juu wa chama hicho amesema wanawake wana mchango mkubwa wa kufanikisha ndoto za watanzania za kupata mabadiliko ya kweli.

WLAC yawapiga msasa wanawake wagombea katika uchaguzi ujao

THEODOSIA MUHULO ambaye ni Mkurugenzi Mtendaji wa shirika lisilo la kiserikali la WLAC akifungua warsha hiyo iliyoandaliwa na shirika hilo kwa ajili ya kuwakutanisha wanawake mbalimbali ambao ni wagombea wa nafasi mbalimbali katika uchaguzi mkuu wa mwaka huu,warsha iliyokuwa na lengo la kuwapa uwezo zaidi ikiwa ni pamoja na kujiamini katika harakati za uchaguzi wa mwaka huu 

Mkurugenzi wa shirika la OXAFARM nchini Tanzania JANE FOSTER ambaye shirika hilo ndio wahusika wakuu na kama wadhamini wa harakati hizo za kujenga uwezo kwa makundi mbalimbali kuelekea uchaguzi mkuu wa mwaka huu,hapa akizungumza na wanawake mbalimbali ambao ni wagombea wa nafasi za ubunge kupitia vyama mbalimbali vinavyoshiriki uchaguzi mkuu wa mwaka huu,ambao walijitokeza kwa wingi katika warsha hiyo

Mmoja kati ya wawezezaji wa warsha hiyo FORTUNATA MAKAFU kutoka Dodoma akiendelea na kutoa mada mbalimbali katika warsha hiyo iliyofanyika jijini Dar es salaam

Wagombea mbalimbali waliojitokeza ambapo takribani wanawake 50 wameshiriki katika semina hiyo

Mgombea ubunge wa jimbo la Temeke kwa tiketi ya chama cha TLP mama NANCY MRIKARIA akizungumza na wanahabari nje ya ukumbi wa mkutano huo kuhusu changamoto mbalimbali ambazo zinawakumba wanawake wanaoshiriki katika uchaguzi huo ambapo amesema kuwa moja ya changamoto hizo ni swala la rasilimali Fedha za kutosha kufanya kampeni na maswala mengine katika uchaguzi 

Mgombea wa ubunge segerea kupitia chama cha mapinduzi CCM mama LUCY GEREMIA akizungumza na wanahabari waliotaka kujua manufaa ya mkutano huo kuelekea uchaguzi mkuu mwaka huu.

Tizama wanawake wa UKAWA na LOWASA MUDA HUU

Ni mkutano wa wanawake wa ukawa na mh lowasa hapa jengo la millenium TOWER Dar es salaam,hizi ni picha za awali,hizi ni picha za awali ambazo nimekuwekea hapa kutoka katika mkutano huo.LOWASA bado hajawasili hapa ila idadi ya wanawake waliojitokeza hapa ni wengi sana kiasi cha kutokutosha katika jengo hili na sasa watu wanasubiri hatma yao kama watahamisha mkutano au italazimu wengine kuwa wapole na kusubiri nje kidogo.
Picha kamili za tukio hili zitakujia baadae kadiri muda unavyozidi kwenda msomaji wetu

Magufuli Huko mbeya Usiseme--Tizama hii

Nyomi la Watu katika mkutano wa kampeni.

 Mgombea Urais wa Jamhuri ya Muungano wa Tanzania kupitia chama cha Mapinduzi (CCM),Dkt John Pombe Magufuli akiwahutubia wananchi wa Tunduma waliofurika kwa wingi katika uwanja wa shule ya msingi Tunduma,mkoa wa Mbeya mapema leo mchana,kwenye mkutano wa kampeni wa kuwaomba Watanzania ridhaa ya kuwaongoza katika kipindi cha awamu ya tano,ambapo uchaguzi unatarajiwa kufanyika Oktoba 25  mwaka huu.

 Maelfu ya Wananchi wa Tunduma waliojitokeza  kumsikiliza Mgombea Urais wa Jamhuri ya Muungano wa Tanzania kupitia chama cha Mapinduzi (CCM),Dkt John Pombe Magufuli,kwenye mkutano wa kampeni uliofanyika leo katika uwanja wa shule ya msingin Tunduma mkoani Mbeya

  Mgombea Urais wa Jamhuri ya Muungano wa Tanzania kupitia chama cha Mapinduzi (CCM),Dkt John Pombe Magufuli akipokelewa kwa shangwe na wananchi alipokuwa akiwasili katika uwanja wa shule ya msingi Tunduma mapema leo mchana kwa ajili ya mkutano wa kampeni.
PICHA NA MICHUZI BLOG

TIMU YA KAMATI YA AMANI YA VIONGOZI WA DINI MKOA WA DAR, YAENDELEA KUJIFUA UWANJA WA KARUME KUJIANDAA KUWASAMBARATISHA WENZAO WA ARUSHA MWEZI UJAO.

Kamanda Mpinga, akishiriki dua ya pamoja na wachezaji wa timu ya Kamati ya Amani ya Viongozi wa Dini, baada ya mazoezi yao timu hiyo yanayoendelea kwenye Uwanja wa Karume jijini Dar es Salaam, kwa ajili ya maandalizi ya mchezo wa kirafiki na timu ya Kamati ya Amani ya Mkoa wa Arusha unaotarajia kuchezwa mwezi ujao jijini Arusha na ule wa kirafiki kati yao na timu ya Mabalozi hivi karibuni. Kamanda Mpinga alifika kuwatembelea wachezaji hao kujionea maendeleo ya mazoezi yao. 

 Kamanda Mpiga akiwa katika picha ya pamoja na wachezaji wa timu ya Kamati ya Amani ya Viongozi wa Dini ya Mkoa wa Dar es Salaam,baada ya mazoezi ya timu hiyo yaliyofanyika leo asubuhi kwenye Uwanja wa Karume jijini Dar es Salaam. Kamanda Mpinga alifika kuwatembelea wachezaji hao kujionea maendeleo ya mazoezi yao.

 5:- Kamanda Mpinga, akisalimiana na walimu wa timu hiyo, baada ya mazoezi yao kwenye Uwanja wa Karume jijini Dar es Salaam, leo asubuhi.

Breaking Newzz--Lowasa apigwa Stop jangwani jumamosi,Mbatia aibuka ,soma alichosema hapa

Umoja wa katiba ya wananchi UKAWA umesisitiza kuwa utazindua kampeni zake siku ya jumamosi ya tarehe 29 mwezi huu katika viwanja vya jangwani jijini Dar es salaam licha ya mizengwe wanayowekewa na mansipaa ya ilala ya kuwanyima kutumia uwanja huo kwa sababu ya kuwa na matumizi mengine siku hiyo.

Akizunzgumza na wanahabari mapema leo jijini Dar es salaam mwenyekiti wa NCCR mageuzi ambaye pia ni mwenyekiti mwenza wa umoja huo JAMES MBATIA amesema kuwa uzinduzi huo utafanyika siku ya jumamosi kama ilivyopangwa japo manispaa ya ilala imewaandikia  barua ya kuwa na matumizi mengine siku hiyo.

Mbatia amesema kuwa wamepeka maombi ya kutumia uwanja huo na wamejibiwa kuwa kuna watu wameshauchukua kwa ajili ya kazi nyingine ambapo walipojaribu kuuliza ni mtu gani ili wazungumze naye manispaa hiyo imegoma kumtaja na kusisitiza kuwa uwanja huo utakuwa ukitumika siku hiyo ya jumamosi.

Mbatia amesema kuwa kumekua na mbinu chafu ambazo zinatumiwa na serikali kupitia wakuu wa mikoa na wakuu wa wilaya za kuhujumu harakati za kampeni za umoja huo lakini wamejipanga kuhakikisha kuwa wanatetea haki yao na kuleta usawa katika kampeni hizo.

Akitolea mfano wa mgombea EDWARD LOWASA leo kunyimwa kuendelea na ziara yake ambayo leo ilipangwa kufanyika katika baadhi ya hospiytali kuzungumza na wagonjwa huku mgombea mwenza wa chama cha mapinduzi SAMIA SULUHU akiendelea na zoezi kama hilo mkoani kilimanjario jambo ambalo amesema kuwa ni rafu ya wazi ambayo kamwe hawawezi kuivumilia.

Akizungumzia swala la kampeni ya chama cha mapinduzi siku ya uzinduzi kufanyika hadi saa kumi na mbili na nusu kinyume na sheria za uchaguzi mbatia amesema kuwa tume ya taifa ya uchaguzi imekuwa ikikaa kimya kwa kuwa kitendo hicho kilifanywa na chama tawala lakini kingefanyika na chama cha upinzani lazima wangepigwa mabomu jambo ambalo amedai kuwa ni kuendelea kuwajaza hasira watanzania ambao wengi sasa wamekuwa na kiu ya mabadiliko nchini.

WAZIRI WA FEDHA SAADA MKUYA SALUM AZINDUA BODI YA PPF NA MAFAO MAPYA YA MFUKO

Waziri wa Fedha Saada Mkuya Salum, (kushoto), akimkabidhi mfano wa hundi yenye thamani ya shilingi milioni moja, mwanachama wa Mfuko wa Pensheni wa PPF, Sara Haule ikiwa ni malipo ya fao la uzazi wakatinwa uzinduzi wa bodi mpya ya PPF, sambamba na uzinduzi wa fao hilo la uzazi, Jumanne Agosti 25, 2015.

 Waziri Saada Mkuya Salum akitoa hotuba ya uzinduzi

Mkurugenzi Mkuu wa PPF, William Erio, akitoa hotuba ya ukaribisho na utambulisho nwakati wa uzinduzi wa bodi mpya ya Mfuko, sambamba na uzinduzi wa Fao la Uzazi, ambapo wanachama wawili wa Mfuko, Sara Haule na Caroline Kiswaga, walilipwa shilingi milioni 1 kila mmoja kama malipo ya fao hilo.

KAMPUNI YA SIMU YA TIGO YAZINDUA KAMPENI YA 'CHAGUA TIGO PESA, INALIPA

 Mkuu wa wa Kitengo cha Huduma za Kifedha wa Tigo, Ruan Swanepoel (kushoto), akizungumza katika mkutano na waandishi wa habari Dar es Salaam leo asubuhi katika uzinduzi wa kampeni ya ya Chagua Tigo Pesa, Inalipa. Kulia ni Meneja  Chapa wa Tigo, William Mpinga.

 Meneja  Chapa wa Tigo, William Mpinga (kulia), akizungumza katika uzinduzi huo. Kushoto ni Mkuu wa wa Kitengo cha Huduma za Kifedha wa Tigo, Ruan Swanepoel.

Wanahabari wakichukua taarifa hiyo.

Tizama mizunguko yoote ya lowasa leo Tandale na Kwingine

"Uongozi usioyafahamu matatizo ya Watanzania kiundani hauna uhalali wa kuelezea suluhisho la matatizo hayo. Tumechoshwa na aina ya uongozi wa kuletewa ripoti maofisini, na Leo tumeendeleza ziara ya kuwatembelea wananchi na kusikia kero zao Za msingi. Tukutane Jangwani Jumamosi hii ya tarehe 28.8.2015 tuweze kuwaeleza namna tulivyojipanga kufanya ukombozi wa kiuchumi. Tuko Tayari kwa mabadiliko"-Edward Ngoyai Lowassa

Tizama Taifa stars wakijifua nchini Uturuki

Timu ya Taifa ya Tanzania (Taifa Stars) inayodhaminiwa na bia ya Kilimanjaro ambayo iliwasili jana nchini Uturuki, imeendelea na mazoezi leo asubuhi katika viwanja viliyopo kwenye viunga vya hoteli ya Green Park – Kartepe.

Mara baada ya kuwasili jana jioni katika eneo la Kartepe, timu ilifanya mazoezi jioni kwa takribani saa moja na nusu, kuanzia saa 1 jioni mpaka mida ya saa 3 kasoro usiku, ambapo leo na kesho itafanya mazoezi asubuhi na jioni.

Kocha Mkuu wa Taifa Stars, Charles Mkwasa amesema huduma na vifaa vilivyopo katika hoteli waliyofikia (viwanja, gym) wanavyotumia kwa ajili ya mazoezi ni vizuri, hivyo ratiba yake ya mazoezi inakwenda kama alivyopanga katika maandalizi ya wiki moja ya kuajiandaa na mchezo dhidi ya Nigeria.

Taifa Stars inatarajiwa kucheza mchezo wa kirafiki wa mazoezi na timu ya Taifa ya Libya siku ya ijumaa, ambapo kocha Mkwasa atatumia nafasi hiyo kupima kikosi chake baada ya kuwa wamefanya mazoezi kwa siku nne nchini Uturuki.

Kikosi cha wachezaji 21 chini ya kocha mkuu Charles Mkwasa, na msaidizi wake Hemed Morocco, kocha wa makipa Peter Manyika na mshauri wa benchi la ufundi Abdallah Kibadeni wanaendelea kuwanoa vijana vilivyo kwa ajili ya mchezo wa mwezi Septemba dhidi ya Nigeria.

Wachezaji waliopo kambini nchini Uturuki ni magolikipa Ally Mustafa, Said Mohamed, walinzi Juma Abdul, Shomari Kapombe, Haji Mwinyi, Mohamed Hussein, Hassan Isihaka, Abdi Banda, Kelvin Yondani na nahodha Nadir Haroub.

Lowasa abanwa tena na polisi Kuhusu ziara zake Jijini Dar.Soma kauli ya kova leo

JESHI LA POLISI KANDA MAALUM YA DAR ES SALAAM LAPIGA MARUFUKU WAGOMBEA WA VYAMA VYA SIASA KUFANYA VITENDO VINAVYOHATARISHA USALAMA.

TSUNAMI LA MAGUFULI LATIKISA NYUMBANI KWA PINDA-TIZAMA HII

Mgombea Urais wa Jamhuri ya Muungano ya Tanzania kupitia Chama cha Mapinduzi CCM Dr. John Pombe Magufuli akiwahutubia wananchi katika mkutano wa kampeni wa Chama hicho uliofanyika kwenye uwanja wa Azimio mjini Mpanda mkoani Katavi  leo ambapo amehutubia mikutano ya hadhara mitatu katika mkoa huo  katika maeneo ya Mishamo, Katumba na Mpanda mjini.

Dr. Magufuli amewaomba wananchi hao kumpigia kura za ndiyo ili ashinde na  shughulika na matatizo ya wananchi  kwakuwa  anayaelewa matatizo na shida nyingi za watanzania, Dr. Magufuli ameahidi kukamilisha ujenzi wa barabara za Kasulu -Mpanda,  Sumbawanga – Mpanda , Mpanda -Tabora ili zikamilike kwa kiwango cha lami na kuwarahisishia wananchi katika shughuli mbalimbali za kiuchumi mkoani humo PICHA NA JOHN BUKUKU-FULLSHANGWE-KATAVI